قاراباغلا باغلی اوچلو گؤروشمه
پوتین: اساس مسئله گونئی قافقازداکی وضعیتین بوتؤولوکده حلی، آذربایجان-ارمنیستان ایلیشکیلری، قاراباغلا باغلی هر شئی
روسیا دؤولت باشقانی ولادیمیر پوتین، آذربایجان جمهورباشقانی ایلهام علییئو و ارمنیستانین باشباخانی نیکول پاشینیانلا قاراباغ مسئلهسی ایله باغلی اوچلو گؤروشمه گئرچکلشدیردیکلرینی بیلدیردی.
پوتین، سن پترزبورگدا مستقیل دؤولتلر توپلولوغونا عضوو اؤلکه دؤولت باشقانلارینین رسمی اولمایان توپلانتیسی چرچیوهسینده ارمنیستانین باشباخانی نیکول پاشینیانلا گؤروشدو.
روسیا ایله ارمنیستان آراسینداکی تیجارتده بو ایلین ۱۰ آییندا یوزده ۷۳ آرتیش اولدوغونو دئیهن پوتین ایکی اؤلکه آراسیندا اقتصادی ایلیشکیلرین چوخ مثبت گلیشدیگینی بیلدیردی.
قاراباغ مسئلهسی ایله باغلی آذربایجان جمهورباشقانی ایلهام علییئو و ارمنیستانین باشباخانی پاشینیانلا اوچلو گؤروشمه گئچیردیکلرینی قید ائدن پوتین،
"دونن سیزینله باشلادیق و اوچلو گؤروشمه ائدهبیلدیک. طبیعی کی، اساس مسئله گونئی قافقازداکی وضعیتین بوتؤولوکده حلی، آذربایجان-ارمنیستان ایلیشکیلری، قاراباغلا باغلی هر شئی. آنلاشدیغیمیز کیمی بوتون بو مسئلهلری آیرینتیلی اولاراق موذاکیره ائدجییک" ایفادهلرینی ایشلتدی.
پاشینیان دا لاچین دهلیزیندهکی وضعیته توخوناراق دهلیز حاضردا روسیا باریش گوجلرینین کنترلوندا اولمادیغینی سؤیلهدی. پاشینیان، بو وضعیتی و هانسی سئچهنکلرین اولدوغونو پوتینله موذاکیره ائتمک ایستهدیگینی دیله گتیردی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک