تورکیه قازاخیستان-دا کئچیریلن سئچکی‌لره موناسیبت بیلدیردی

تورکیه قازاخیستاندا کئچیریلن ارکن پرزیدنت سئچکی‌لرینین دینج شرایطده باشا چاتماسی‌نین سئویندیریجی اولدوغونو آچیقلاییب.

بونانلا باغلی تورکیه خاریجی ایشلر ناظیرلیگی‌نین بیاناتیندا دئییلیب:

 20 نویابر 2022-جی ایلده قازاخیستان جمهوریتینده کئچیریلن ارکن پرزیدنت سئچکی‌لرینین دینج شرایطده اوغورلا باشا چاتماسیندان ممنونوق".

بیاناتدا تورکیه-نین کؤک‌لو تاریخی و گوج‌لو علاقه‌لری اولان قازاخیستانین تهلوکه‌سیزلیگینه و ثابت‌لیگینه بؤیوک اهمیت وئردیگی بیلدیریلیب، سئچکی نتیجه‌لری‌نین دوست و قارداش قازاخ خالقی اوچون خیرلی اولماسی آرزولانیب.

دیگر طرف‌دن، قازاخیستان سئچکی کمیسیونونون ایلکین نتیجه‌لرینه گؤره، حاضیرکی پرزیدنت قاسم جومارت توکایئو ارکن پرزیدنت سئچکی‌لرینده 81،31 فایز سسله غالیب گلیب.

قئید ائدک کی، قازاخیستان-دا 12 میلیونا یاخین سئچیجی 7 ایل وظیفه‌سینده قالا‌جاق پرزیدنتی سئچمک اوچون سس وئریب.

سئچکی‌لرین یئکون نتیجه‌لری‌نین نوامبرین 27-ده آچیقلاناجاغی گؤزلنیلیر.