آذربایجاندا ایرانا جاسوسلوق ائدن ۵ نفر گؤزآلتینا آلیندی
آذربایجاندا ایرانین جاسوسلوق شبکهسینه خدمت ائدن ۵ نفر "دؤولته خیانت" سوچوندان گؤزآلتینا آلیندی
آذربایجاندا ایرانین اؤزل سرویسلرینین یاراتدیغی جاسوسلوق شبکهسی ایفشا ائدیلدی، بو چرچیوهده ۵ نفر "دؤولته خیانت" سوچوندان گؤزآلتینا آلیندی.
آذربایجان دؤولت گوونلیک سرویسی طرفیندن وئریلن آچیقلامادا، خزر دنیزی نفت دونانماسیندا گمی کاپیتانی وظیفهسینده ایشلهین ظاهر عسگروو آدلی شخصین، ایراندا قوم شهرینده دینی تحصیل آلدیغی زامان مادی قازانج قارشیلیغیندا ایران استخباراتی ایله امکداشلیق ائتدیگینین معین ائدیلدیگی بیلدیریلدی.
عسگرووون گئچن زامانلاردا آذربایجاندا فعالیت گؤسترهن خاریجی شیرکتلر، خزرده ائدیلن حربی مانورلارین یئری و واختی، نفت پلتفورملارینا داشینان یوکلرله باغلی توپلادیغی بیلگیلری تلفونلا و یا شخصاً ایرانا گئدهرک ایران استخباراتینا وئردیگینین معین اولدوغو بیلدیریلدی.
ائلنور رسولووون ایسه ۲۰۱۸ده معالیجه اوچون گئتدیگی ایراندا پول قارشیلیغیندا ایران استخباراتی ایله امکداشلیغا گیردیگینی، سونراکی دؤنمده قوهومو عاریف رسولوولا بیرلیکده نفت و طبیعی گاز خطینین گئچدیگی بؤلگهلرین هاوا لیمانلاریندا ساخلانیلان اینسانسیز هاوا آراجلارینین، تانک و چئشیدلی حربی آراجلارین اولدوغو بؤلگهلرین، باکیدا تشکیل ائدیلن تکنوفستده سرگیلهنن ماشینلارین، حربی و استراتژیک ساحهلرین، هاوا ساوونما و رادار سیستملرینین فوتوگراف و ویدئولارینی چکهرک ایران اطلاعاتینا وئردیگینین معین ائدیلدیگی قید ائدیلدی.
بختیار آغازادهنین ده ایراندا دینی تحصیل آلارکن ایران اطلاعاتی ایله امکداشلیغا باشلادیغی، سونراکی دؤنمده آذربایجانداکی سیاسی-اجتماعی پروسهسلر، حربی بیرلیکلرین یئری، نؤوعو و کوموتانلیق سویهسی ایله باغلی توپلادیغی بیلگیلری پول قارشیلیغیندا ایران استخباراتینا وئردیگینین معین ائدیلدیگی ایفاده ائدیلدی. میرحافظ جعفرزاده آدلی شخصین ایسه ایران استخباراتی ایله امکداشیق ائتدیگینه گؤره حاقیندا توتوقلاما قراری اولان و ایراندا ساخلانان اورخان ممدووا حربی بیریملرین مؤوقعیتینی اینترنت واسطهسی ایله گؤندریلدیگینین معین ائدیلدیگی وورغولاندی.
آدی چکیلهن ۵ نفرین "دؤولته خیانت" اتهامی ایله گؤزآلتینا آلیندیقلاری قید ائدیلدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک