امیر تیمورلا باغلی تۆرکجه اسکی بیر ال‌ یازماسی تاپیلدی

امیر تیمورون حیاتی و قهرمانلیغی ایله باغلی تۆرکجه یازیلمیش اسکی بیر تورک ال یازماسی تاپیلیدی. کیتاب، امیر تیمور حاقیندا گونوموزه قدر گلیب چاتمیش ان قدیم تورک ال یازماسی اولابیلر.

دونیا اؤزبکیستان مد‌نی میراثینین قورونماسی، اینجه‌لنمه‌سی و یاییلماسی درنه‌گینین عضوو بدرالدین مقصودووون وئردیگی ایلک بیلگی بئله‌دیر:

"امیر تیمور حاقیندا یازیلمیش‌ ان قدیم تۆرکجه عرب الفبالی متنلرین ایلکیدیر".

کیتابین سونوندا نوسخه‌نین هیجری ۱۰۲۷ رجب آییندا یازیلدیغی بیلدیریلیر. میلادی تقویمی ایله ژوئن-ژوئیه ۱۶۱۸.جی ایله اویغون گلیر. کیتابین کیم طرفیندن، هاردا و نئجه یازیلدیغی هله‌لیک بیلینمیر. امیر تیمور حاقیندا یازیلان ایلک تۆرکجه اثرلرین ان قدیمینین ۱۷۱۳ ایلینه عاید اولدوغو بیلینیر.