جمهورباشقانی علییئو لاچین شهرینه گئتدی
"بو، اونلارا درس اولسون چونکو بیزی هئچ کیمین و هئچ بیر شئیین دوردورابیلمهجگینی گؤردولر
آذربایجان جمهورباشقانی ایلهام علییئو، ۲۶ آگوستدا آذربایجان طرفیندن گئری آلینان لاچین شهرینه سفر ائتدی.
جمهورباشقانلیغیندان وئریلهن معلوماتا گؤره، ایلهام علییئو، بورادا دانیشماسیندا، لاچین شهرینین ایشغال دؤورونده ارمنیلر طرفیندن داغیدیلدیغینی دیله گتیررک بئله دئدی:
"ارمنیلر لاچینین بعضی یئرلرینه یاسادیشی اولاراق یئرلهشیبلر. سوریه و لبناندان ارمنیلری گتیریب بورادا قانونسوز اولاراق یئرلشدیرمیشدیلر. بو، بیر ساواش سوچودور، بوتون اولوسلارآراسی سؤزلشمهلرده ساواش سوچو اولاراق تانیملانمیشدیر و بو سوچ دؤدونیانین گؤزو قاباغیندا تؤردیلدی.
دونیا، اولوسلارآراسی قورولوشلار، بو ایشله بیرباشا مشغول اولان مینسک قروپونون باشقانلاری بونا گؤرمزدن گلدیلر. ارمنیستاندان قاراباغا، قاراباغدان ارمنیستانا گئدیب گلرکن بورادا یاسادیشی یئرلشیم تیکیلدیگینی، آذربایجانا عاید یئر آدلارینین گؤتورولدوگونو، تاریخی آذربایجان تورپاغی لاچینین ارمنیلشدیریلدیگینی گؤروردولر آنجاق گؤز یوموردولار. آذربایجان خالقی بونو قبول ائدهبیلمزدی".
ارمنیستانین سون آیلاردا آذربایجانا قارشی تخریباتلار تؤرتدیگینی و ساواشین باشا چاتماسینا باخمایاراق بؤلگهیه ارمنیلر طرفیندن یئرلشدیریلدیگینی بیلدیرن ایلهام علییئو، بئله داوام ائتدی:
"بیز بونا هئچ واخت فرصت وئرهبیلمریک. دفعهلرله ارمنیستانا بو ایشلردن ال چک دئدیک. نتیجهده ۱۳ سپتامبردا بیزه قارشی بیر تخریبات داها اولاندا آذربایجان اوردوسو جاواب وئردی و دوشمنی یئنه یئرینه اوتورتدو. اومود ائدیرهم کی، بو اونلارا درس اولسون چونکو بیزی هئچ کیمین و هئچ بیر شئیین دوردورابیلمهجگینی گؤردولر".
آذربایجان لیدئری،
"ارمنیستان باریش ایستهمهدیگینی و هله ده انتقامچی ایفیکیرلرله ایله یاشایدیغینی گؤروروک" ایفادهلرینی ایشلهدرک،
"هئچ کیمین چاغریشی، هئچ بیر بیانی، هئچ بیر گیریشیمی بیزی داوردورابیلمز. بیز اؤز تورپاغیمیزداییق و تورپاغیمیزی قورویوروق" دئدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک