تۆرک دؤولتلری تشکیلاتیندان آذربایجانا باش‌ساغلیغی

تۆرک دؤولتلری تشکیلاتینین باش کاتیبی باغداد آمره‌یئو، آذربایجان-ارمنیستان سرحد خطینده باش وئره‌ن چاتیشمالاردا یاشامینی ایتیره‌ن آذربایجان عسگرلری اوچون باش‌ساغلیغی مئساژی یاییملادی.

تۆرک دؤولتلری تشکیلاتیندان وئریله‌ن یازیلی آچیقلامایا گؤره، باش کاتیب باغداد آمره‌یئو، آذربایجان ایله ارمنیستان آراسینداکی سرحد بویو "ارمنی سلاحلی گۆجلرینین حربی تخریباتلاردان قایغی دویدوغونو" و بونو قینادیغینی بیلدیردی.

آمره‌یئو گونئی قافقازدا قالیجی باریش و ثابتلیک اوچون آذربایجان ایله ارمنیستان آراسینداکی نورماللاشما و باریش پروسه‌سینین اؤنمینه توخوندو.

آذربایجانین اولوسلارآراسی سویه‌ده تانینمیش سرحدلرینین تورپاق بؤتوولوگونه و توخونولمازلیغینا دستگینی یئنه‌له‌ین آمره‌یئو، ارمنیستانی، ایکی قونشو اؤلکه آراسیندا الده ائدیلن مؤوجود آنلاشمالارا عمل ائتمه‌یه دعوت ائدتدی.

آمره‌یئو،

"کاتیبلیک، جان ایتکیلری ندنی ایله شهیدلرین عائله‌لرینه، قارداش آذربایجان خالقینا و حکومتینه باش‌ساغلیغی وئریر، یارالانانلارین تئزلیکله ساغلیق آرزولاییر" ایفاده‌لرینی ایشلتدی.