شوشادا اولوسلارآراسی مئدیا فورومو تشکیل ائدیلدی
قاراباغ بؤلگه‌سینین سمبل شهری شوشادا، آذربایجان مطبوعاتینین قورولوشونون ۱۴۷.جی ایل‌دؤنومو موناسیبتی ایله اولوسلارآراسی مئدیا فورومو تشکیل ائدیلدی
آذربایجانین قاراباغ بؤلگه‌سینین سمبل شهری شوشادا، آذربایجان مطبوعاتینین قورولوشونون ۱۴۷.جی ایل‌دؤنومو موناسیبتی ایله اولوسلارآراسی مئدیا فورومو تشکیل ائدیلدی.
مئدیا قالخینما آژانسینین تشکی ائتدیگی "مئدیاداکی کۆره‌سل میللر و یئنی چتینلیکلر" باشلیقلی فوروم‌دا آذربایجان جمهورباشقانی موشاویری حیکمت حاجییئو، مئدیا یؤنه‌تیچیلری، خاریجی خبر آژانسی نماینده‌لری و متخصصلر قاتیلدی.
تدبیرده حاجییئو، جمهورباشقانی ایلهام علییئوین مطبوعات نماینده‌لرینه مسئاژینی اوخودو.
جمهورباشقانی علییئو مئساژیندا، مطبوعات نماینده‌لرینی آذربایجان مطبوعاتینین ۱۴۷.جی ایل‌دؤنومو دولاییسیلا قوتلادی.
علییئو، آذربایجان مطبوعاتینین ۱۴۷ ایلده بؤیوک ایرلیله‌ییش الده ائتدیگینه دقت چکره‌رک، کۆره‌سل خبرلشمه ساحه‌سینده موستقیل سیاست آپاردیقلاری اوچون اؤلکه‌نین اولوسلارآراسی اعتیبارینی زده‌نه‌مک اوچون چابالارین اولدوغونو بیلدیردی.
آذربایجان مطبوعاتینین، ۲-جی قاراباغ ساواشیندا اطلاعات ساحه‌سینده موباریزه‌سی ایله بؤیوک رول اوینادیغینی قید ائد‌ن علییئو، مئساژین‌ا آشاغیداکی ایفاده‌لری ایشلتدی:
"مئدیا قایناقلاریمیز، ایشغال سیراسیندا تاریخی تورپاقلاریمیزدا ارمنیلرین تؤرتدیکلری بنزری گؤرولمه‌میش وحشیلیک و واندالیزم ده داخیل اولماق اۆزره آذربایجان حقیقتلرینی اولوسلارآراسی توپلوما چاتدیرماق اوچون یورولمادان چالیشمالارینا داوام ائتمکده‌دیر.
آذربایجانلی ژورنالیستلر هر زامان ایلکه‌لی توتوم سرگیله‌مه‌لی، دؤولتین ماراقلارینی قورومالی، وطنداشلاریمیزین دوزگون معلومات الده ائتمه حاقینی تامین ائتمه‌لی، یالان و اساسسیز کمپینلرین دونیادا آرتدیغی بیر دؤنمده توپلوموموزون ایرلیله‌مه‌سی اوچون وار گوجو ایله چالیشمالیدیر".
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
