پوتین، تاتاریستان جمهورباشقانینین "جمهورباشقانی" عنوانینی قالدیردی
روسیا پارلمانینی آلت قانادی دومادا بعضی میللت وکیللری طرفیندن، فدراسیونو اولوشدوران بؤلگهلرین ان اوست سویه ایدارهچیلرینین عنوانی ایله باغلی قانون لایحهسی حاضیرلانمیشدی
روسیا دؤولت باشقانی ولادیمیر پوتین، رسمی بیر سندده ایلک دفعه، تاتاریستان جمهورباشقانی روستم مینیخانووون "جمهورباشقانی" عنوانینی قالدیردی.
پوتین، روسیا فدراسیونو دؤولت شوراسی عضولری ایله باغلی ایمضالادیغی فرماندا تاتاریستان جمهورباشقانی مینیخانووون عنوانینی، فدراسیونو اولوشدوران بؤلگهلرین ان اوست سویه ایدارهچیسینه وئریلهن "باشقان" عنوانینا چئویردی.
پوتین گئچهن آی ائدیلهن دؤولت شوراسی ییغینجاغیندا ایسه مینیخانووا "جمهورباشقانی" عنوانی ایله سسلنمیشدی.
روسیا پارلمانینی آلت قانادی دومادا بعضی میللت وکیللری طرفیندن، فدراسیونو اولوشدوران بؤلگهلرین ان اوست سویه ایدارهچیلرینین عنوانی ایله باغلی قانون لایحهسی حاضیرلانمیشدی.
لایحه، تاتاریستان جمهوریتی مجلیسینه گؤندریلمیشدی. تاتاریستان مجلیسی ده سؤز قونوسو لایحهنی رد ائتمیشدی.
بونا باخمایاراق، قانون، دومادا قبول ائدیلمیش، پوتین طرفیندن ایمضالانمیشدی.
قانونا گؤره، فدراسیونو اولوشدوران بؤلگهلرین ان اوست سویه ایدارهچیسی "بؤلگه باشقانی" معناسینا قارشیلیق گلن "باشقان" آدییلا عنوانلاندیریلیر.
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.