بایراموو آنتالیادا لاوروولا گؤروشدو
لاوروو و بایراموو، آذربایجان و ارمنیستان آراسینداکی سرحدین تعیین اولونماسی، بؤلگه‌ده اقتصاد و نقلیات باغلانتیلارینین یارادیلماسی و اینسانی کؤمک ایله باغلی قونولاری اله آلدی
روسیا خاریجی ایشلر باخانی سرگئی لاوروو، آذربایجان خاریجی ایشلر باخانی جیحون بایراموو ایله آنتالیادا بیر آرایا گلدی.
روسیا خاریجی ایشلر باخانلیغیندان وئریله‌ن یازیلی آچیقلامایا گؤره، آنتالیا دیپلوماسی فورومو ۲۰۲۲ چرچیوه‌سینده دونن بیر آرایا گلن لاوروو و بایراموو، آذربایجان و ارمنیستان آراسینداکی سرحدین تعیین اولونماسی پروسه‌سینین باشلاماسی، بؤلگه‌ده اقتصاد و نقلیات باغلانتیلارینین یارادیلماسی و اینسانی کؤمک ایله باغلی قونولاری اله آلدی.
گؤروشمه‌ده، گونئی قافقاز ایله باغلی ۳+۳ (آذربایجان، ارمنیستان، گورجوستان ایله تورکیه، روسیا، ایران) امکداشلیق پلتفورمونون ایکینجی توپلانتیسینین ان قیسا زاماندا ائدیلمه‌سی قونوسوندا توافق ائدیلدی.
لاوروو، بیرلشمیش میللتلر سوریه اؤزل نماینده‌سی گیر پدرسون ایله ده آنتالیادا بیر آرایا گلدی.و
سوریه‌ده‌کی سیاسی پروسه و سوریه آنایاسا کمیته‌سینین چالیشماسی ایله باغلی قونولارین اله آلیندیغی گؤروشمه‌ده، سوریه‌لیلیره اینسانی یاردیمین تامین ائدیلمه‌سی ایله باغلی پروبلئملر حاقیندا دا فیکیر آلیش وئریشی ائدیلدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
