آذربایجان‌دا قانلی یانوار شهیدلری آنیلیر
"اولوسلارآراسی حقوقا گؤره ۲۰ یانوار حادثه‌لری اینسانلیغا قارشی جینایت اولاراق تصنیف ائدیلمه‌لی، سفاریش‌چیلری و فاعللری جزالاندیریلمالی‌دیر"
آذربایجان‌دا، مستقیللیگین سمبولونا چئوریله‌ن و تاریخه "قانلی یانوار" اولاراق گئچه‌ن ۲۰ ژانویه قیرغینینین قوربانلاری یاد ائدیلیر.
آذربایجان‌لیلار، ۱۹۹۰دا یاشانان قیرغین‌دا حیاتینی ایتیره‌نلری آنماق اوچون باکی شهیدلر خیابانینا آخین ائتدی. قار یاغیشینا باخمایاراق مینلرجه اینسان شهیدلیگی زیارت اوچون اوزون سیرا میدانا گتیردی. زیارتلرده مزارلارا قیرمیزی قر‌نفیللر بوراخیلدی، شهیدلر اوچون دعالار ائدیلدی.
جمهورباشقانی ایلهام علییئو ده حیات یولداشی مهربان علییئوا ایله شهیدلر خیابانینی زیارت ائتدی. علییئو، ابدی مشعل آنیدینا چلنگ بوراخدی.
اؤلکه‌ده یئرلی ساعاتلا ۱۲.۰۰ده بوتون شهیدلر اوچون بیر دقیقه‌لیک سایغی دوروشو ائدیلدی. بو سیرادا خزر دنیزی ساحلین‌ده‌کی گمیلر و ترافیک‌ده‌کی اتومبیللر ده سیگنال سسی ایله تؤره‌نه قاتیلدی.
آذربایجان خاریجی ایشلر باخانلیغی، "قانلی یانوار" حادثه‌لرینین ۳۲.جی ایلی سببی ایله بیلگی یاییملادی.
"قانلی یانوار" حادثه‌لرینین ۲۰.جی عصرین ان قورخونج جینایتلرین‌دن بیری اولدوغو ایفاده ائدیله‌ن بیلگیده، یاشانانلارین هله اولوسلارآراسی سیاسی و حقوقی بیر دگرلندیرمه‌یه تابع توتولمادیغی قید ائدیلدی. بیلگیده،
"بو جینایتین دوغرودان مسئولو اسکی سووئت رهبرلیگی‌دیر. اولوسلارآراسی حقوقا گؤره ۲۰ یانوار حادثه‌لری اینسانلیغا قارشی جینایت اولاراق تصنیف ائدیلمه‌لی، سفاریش‌چیلری و فاعللری جزالاندیریلمالی‌دیر" ایفاده‌لری یئر آلدی.
ارمنیلرین آرتان تورپاق طلبلرینه و سووئت رهبرلیگینه تپکیلرینی گؤسترمک ایسته‌یه‌ن مینلرجه آذربایجان‌لی، ۱۹۹۰.جی ایلین باشلارین‌دا باکینین آزادلیق میدانینا آخین ائتدی و اوزون سوره‌‌لی میتینگلره باشلامیشدی.
میتینگلری داغیتماق مقصدیله ۲۰ ژانویه‌ده باکینین مختلیف بؤلگه‌لرینه گیره‌ن ۲۶ مین نفرلیک سووئت اوردوسو، آرالارین‌دا قادین و اوشاقلارین دا اولدوغو ۱۴۷ وطنداشی قتل ائتمیش، یوزلرجه انسانی یارالامیشدی.
شهیدلر، یوز مینلرجه انسانین ایشتیراکییلا گؤزیاشلاری ایچین‌ده قیرمیزی قرنفیللرله بو گونکو آدییلا شهیدلر خیابانینا دفن ائدیلمیشدی.
آذربایجان‌لیلار، ۳۲ ایلدیر هر ۲۰ ژانویه‌ده، اللرین‌ده "۲۰ یانوار" قوربانلارینین سمبولو حالینا گلن قرنفیللرله شهیدلیگه آخین ائدیر.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
