ارسین تاتار: "ماراشین آچیلماسی مهم بیر سیاسی آددیم‌دیر"
پرزیدنت تاتار ماراشین آچیلماسی‌نین مهم سیاسی آددیم اولدوغونو قئید ائدیب.
قوزیی قیبریس تورک جمهوریتی پرزیدنتی ارسین تاتار قوزیی قیبریس تورک جمهوریتی سرحدلری داخیلینده اولان و 46 ایلدن سونرا 2020-جی ایلین اوکتبریندا مرحله‌لی آچیلیش پروسه‌سی‌نین باشلادیغی ماراش بؤلگه‌سی‌نین اینسان حاق‌لارینا اویغون شکیلده آچیلدیغینی بیلدیریب.
پرزیدنت تاتار داشینماز املاک کمیسیونونون (TMK) صدری نؤبر فریت وچینی قبول ائدیب.
داشینماز املاک کمیسیونونون مهم وظیفه‌سی اولدوغونو بیلدیرن تاتار قیبریس روم طرفی‌نین اؤز وطنداش‌لارینا داشینماز املاک کمیسیونونا مراجعت ائتمه‌مه‌لری" اوچون تضییق گؤسترمه‌سی‌نین دوغرو داورانیش اولمادیغینی ایفاده ائدیب.
ماراشین تورکیه-نین دستکی ایله اینسان حقوق‌لارینا اویغون اولا‌راق آچیلدیغینی و ائدیلن دوزنله‌مه لرین بوتون دونیا ایله پایلاشیلدیغینی وورغولایان تاتار "مراجعت اولارسا داشینماز املاک کمیسیونو طرفیندن قیمتلندیرمه آپاریلاجاغینی بیلدیردیک. بؤلگه حربی بؤلگه‌دن سیویل بولگه‌یه چئوریلمیش‌دیر. بونونلا باغلی فعالیت‌لره ده سرعت قازاندیریلا‌جاق‌دیر" دئییب.
پرزیدنت تاتار ماراشین آچیلماسی‌نین مهم سیاسی آددیم اولدوغونو قئید ائدیب.
قوزیی قیبریس تورک جمهوریت-ده 18 ژوئن 2019-جو ایل تاریخده کئچیریلن ناظیرلر کابینه‌سی‌‌نین ایجلاسیندا 1974-جو ایلدن فعالیتی دایان‌دیریلان ماراشین آچیلماسی اوچون آددیم‌لارین آتیلماسی و اکسپرت قروپو ایله علمی اینوانتر آراشدیرماسی‌نین آپاریلماسی قرارا آلینیب.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
