آخیسکا تورکلری، آنا وطنلرینه دؤنوش ساواشی وئریر
"بیزی حاقسیز یئره سورگون ائتدیلر، غصب ائتدیکلری حاقلاریمیزی گئری آلماق ایسته‌ییریک
دونیا آخیسکا تورکلری بیرلیگی باشقانی ضیاالدین ایسمیخان‌اوغلو کاسانوو، آنا وطنلری گورجوستانا دؤنه‌بیلمک اوچون چالیشما باشلاتدیقلارینی سؤیله‌دی.
آنتالیا کوندودا تشکیل ائدیله‌ن "۴.جو عادی باش قورول ییغینجاغی"ندا یئنی‌دن باشقان سئچیله‌ن کاسانوو، یئنی یؤنتیم اولاراق اؤنملی هدفلر تعیین ائتدیکلرینی، قورولا ۹ اؤلکه‌دن گلن نماینده‌لره، تعیین ائتدیکلری یئنی یول خریطه‌سینی ایضاح ائتدیکلرینی وورغولادی.
کاسانوو، تورکیه‌ده ۲۰۱۷ده چیخاریلان باخان قرولو قرارییلا آخیسکالی تورکلره اوزون دؤنم اوتورما ایجازه‌سی وئریلدیگینی خاطیرلاداراق، بو آنا قدر ۷۰ مین آخیسکالینین تورکیه وطنداشی اولدوغونو، ۱۰۰ آخیسکالینین دا اوزون دؤنم ایقامت ایجازه‌سی آلدیغینی سؤیله‌دی.
یاشادیقلاری سورگونه باخمایاراق دیل، دین، عنعنه و عادتلرینی هئچ ایتیرمه‌دیکلرینی ایفاده ائد‌ن کاسانوو،
"آنا وطنیمیز گورجوستانا قاییتماق ایسته‌ییریک. بیزی حاقسیز یئره سوردولر، غصب ائتدیکلری حاقلاریمیزی گئری آلماق ایسته‌ییریک. بو قونودا جدی چالیشمالاریمیز وار، هدفلریمیز بؤیوک" دئیه دانیشدی.
دونیادا سورگونه اوغرایان ۶۰۰ مین آخیسکالی تورکون اولدوغونو بیلدیره‌ن کاسانوو، تورکیه‌ده ده چوخ ساییدا آخیسکالینین یاشادیغینی وورغولایاراق، بئله داوام ائتدی:
"تورکیه بیزه هم یورد ایچین‌ده هم یورددیشیندا هر جور دستگی وئریر. ساواش بؤلگه‌لرین‌ده قالان آخیسکالیلاری تورکیه قورتاردی. بیزه هر واخت ایش، آش وئردی. وطنه قاییتما مسئله‌سینده گورجوستاندا آخیسکالیلارلا باغلی قانونلار یوخ. او قانونلاری قبول ائتمه‌لری اوچون آوروپا شوراسی باسقی ائدیر. تورکیه، اورادا دا بیزه هر جور دستگینی داوام ائتدیریر".
تورک اولدوقلاری اوچون سورولدوکلرینی ایفاده ائد‌ن کاسانوو، سورولدوکلری تورپاقلاردا بو گون ارمنیلرین یاشادیغینی سؤیله‌دی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
