آذربایجان، ارمنیستانی قینادی
"ارمنیستانین انتیقام دویغولارییلا حربی تخریباتلارا داوام ائتمهسینی شدتله قیناییریق"
آذربایجان، ارمنیستان اوردوسونون سرحدده ائتدیگی سالدیریلاری قینادی.
آذربایجان خاریجی ایشلر باخانلیغیندان وئریلهن یازیلی آچیقلامادا، دونن ارمنیستان اوردوسونون سرحددهکی تخریباتلاری نتیجهسینده چیخان چاتیشمالاردا ۷ عسگرین شهید اولدوغو، ۱۰ عسگرین یارالاندیغی خاطیرلادیلدی.
آچیقلامادا بو ایفادهلره یئر وئریلدی:
"ارمنیستانین انتیقام دویغولارییلا حربی تخریباتلارا داوام ائتمهسینی شدتله قیناییریق. بؤلگهده وضعیتین گرگینلشمهسیندن و اوچلو بیلدیرینین تطبیق اولونماسینا مانع یارادیلماسیندان بیر باشا ارمنیستانین عسگری-سیاسی رهبرلیگی مسئولدور.
آذربایجانین اولوسلارآراسی قبول گؤرموش سرحدلری چرچیوهسینده تورپاق بوتونلویونه هر جور تهدید و عسگری تخریباتلارا بوندان سونرا دا لازیم اولان جاواب وئریلهجک".
ارمنیستان اوردوسو، سرحدده بعضی یوکسک یئرلری اله گئچرهرک داها الوئریشلی مؤوضغلر الده ائتمک مقصدیله دونن لاچین و کلبجر ایستیقامتینده عملیات باشلاتمیشدی.
آذربایجان اوردوسو دا عینی ایستیقامتده عملیات باشلاداراق ارمنیستانین سالدیریلارینی اؤنلهمیشدی.
چاتیشمالاردا ۷ آذربایجان عسگری شهید اولموش، داها سونرا آتیشکس اعلان ائدیلمیشدی.
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.