علییئو، جمهوریت بایرامی دولاییسیلا اردوغانی قوتلادی
"آذربایجانین تورپاقلارینین قورتولوشو اوچون وئردیگی موباریزه‌ده شخصاً سیزین، قارداش تورک دؤولتی و خالقینین قرارلی سیاسی و معنوی دستگی بؤیوک رول اوینامیشدیر"
آذربایجان جمهورباشقانی ایلهام علییئو، ۲۹ اکتبر جمهوریت بایرامی سببی ایله جمهورباشقانی رجب طیب اردوغانا قوتلاما مئساژی گؤندردی.
مئساژین‌دا تورکیه جمهوریتینین قورولوش ایل دؤنومو سببی ایله اردوغان و تورکیه خالقینی شخصی و آذربایجان خالقی آدینا قوتلایان علییئو، سیاسی، اقتصادی، عسگری باخیم‌دان گوجلو و استقرار‌لی تورکیه‌نین دونیادا چوخ اؤنملی بیر یئره صاحب اولدوغونو ایفاده ائتدی.
تورکیه و آذربایجان دوستلوق و قارداش‌لیق ایلیشکی‌لرینین ایکی خالقین اورتاق تاریخی، میللی و معنوی دیرلری کیمی ساغلام تمللر اوزرین‌ده قورولدوغونو ایفاده ائد‌ن علییئو، مئساژین‌دا بو ایفاده‌لره یئر وئردی:
"بو آندا بو ایلیشکیلرین تاریخی دؤورونه شاهید اولوروق. شوشا بیاننامه‌سین‌ده ایفاده ائدیله‌ن مقصد و ایستیقامتلر دوغرولتوسوندا متفیق‌لیک ایلیشکی‌لریمیز هر گئچه‌ن گون گئنیشله‌مکده و یئنی ایچریکلرله زنگینلشمکده‌دیر.
آذربایجانین تورپاقلارینین قورتولوشو اوچون وئردیگی موباریزه‌ده شخصاً سیزین، قارداش تورک دؤولتی و خالقینین قرارلی سیاسی و معنوی دستگی بؤیوک رول اوینامیشدیر. آذربایجان ایله تورکیه‌نین دایانیشماسینی بیر دفعه داها بوتون دونیایا گؤستره‌ن بو دستگی خالقیمیز اصلا اونوتمایاجاق.
'بیر میللت، ایکی دؤولت' ایلکه‌سی دوغرولتوسوندا بیرلیگیمیزی، هر ساحه‌ده تأثیرلی و آکتیو امکداشلیغیمیزی داها دا گوجله‌ندیرمک و گلیشدیرمک اوچون اورتاق چابالاریمیزی داوام ائتدیرجگیمیزه اینانجیم تام‌دیر".
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
