قیرغیزیستان، تورکیهدن سیها آلاجاق
"سیهالاری کنترل ائدجک شخصلر تورکیهده تعلیم آلدی. بو سیهالار یاخیندا اؤلکهمیزه گلهجک"
قیرغیزیستان میللی گوونلیک دؤولت کمیتهسی باشقانی ژنرال کامچیبک تاشییئو، تورکیهیه "بایراکتار تب۲" سلاحلی اینسانسیز هاوا آراجی (سیها) سیفاریشی وئردیکلرینی بیلدیردی.
جمهورباشقانی سادیر جاپارووون ایشتیراکییلا، قیرغیزیستان میللی گوونلیک دؤولت کمیتهسی سرحد بیرلیگی خدمتلرینه ایلک دفعه ساتین آلیندیغی ایفاده ائدیلهن عسگری آراجلارین تحویلی اوچون مراسیم تشکیل ائدیلدی.
تاشییئو، مراسیمین آردیندان ژورنالیستلره وئردیگی آچیقلامادا، تورکیهیه "بایراکتار تب۲" سیها سیفاریشی وئردیکلرینی و بونلارین یاخین زاماندا تحویل آلاجاقلارینی سؤیلهدی.
سیهالارین ساییلی اؤلکهده اولدوغونا ایشاره ائدن تاشییئو، "بونلاردان بیری ده بیزیم اؤلکهمیز اولاجاق. سیهالاری کنترل ائدجک شخصلر تورکیهده تعلیم آلدی. بو سیهالار یاخیندا اؤلکهمیزه گلهجک" دئدی.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.