ارسین تاتار: "ماراش بؤلگه‌سینی بو گونه قدر 230 میندن چوخ آدام زیارت ائدیب"

قوزیی قیبریس تورک جمهوریتی پرزیدنتی ارسین تاتار 8 اوکتبر 2020-جی ایلده ایستیفاده‌یه وئریلن باغلی ماراش بؤلگه‌سینی بو گونه قدر 230 میندن چوخ آدامین زیارت ائتدیگینی سؤیله‌ییب.

تاتار اسکی شهرده وئردیگی معلوماتدا ماراشین 1974-جو ایلدن بری باغلی اولدوغونو خاطیرلادا‌راق بؤلگه‌نین تامامیله تورک فوندلارینا عایید اولدوغونو قئید ائدیب.

قوزیی قیبریس تورک جمهوریتی سرحدلری داخیلینده اولان ماراشی زیارتچی‌لره آچدیق‌لارینی خاطیرلا‌دان تاتار بون‌لاری سؤیله‌ییب:

"داشینماز املاک کمیسیونو آدلانان کومیته‌میز وار. املاک صاحیبی اولان هر کسین مراجعت ائتمه‌سینی و املاک‌لاری‌نین اونلارا گئری قایتاریلماسینی ایستییریک. حاضیردا پروسه سی داوام ائتدیریریک. بو گونه قدر ماراش بؤلگه‌سینی 230 میندن چوخ اینسان زیارت ائدیب. پاندمییه باخمایا‌راق رقم بو قدردیر. پاندمی اولماسایدی، زیارتچی‌لرین سایی بیر میلیونا چاتاردی. گؤردوگوموز تدبیرلرله، آچیلیش‌لارلا، توریزم و طلبه اؤلچوسو ایله قیسا مدت سونرا ماراشا زیارت‌لر آرتا‌جاق. ماراشین دیری ده ائله‌جه. او گؤزل چیمرلیک و اورا‌داکی سوسیال تاسیس لر و پارک‌لار جان‌لانا‌جاق. اولوسلار آراسی حقوق چرچیوه‌سینده تدریجن مسکونلاشماغا آچیلا‌جاق".