تورکیه، قیریم‌دا ائدیلن سئچیملری تانیمیر
"تورکیه، اوکراینانین تورپاق بوتؤولویونه اولان دستگینی داوام ائتدیرمک‌ده و قیریمین حقوقا ضد الحاقینی تانیمیر"
تورکیه، قیریم‌دا ائدیلن روسیا پارلمانینین آلت قانادی دؤولت دوماسی سئچیملرینین، حقوقی بیر گئچرلیلیگی اولمادیغینی بیلدیردی.
خاریجی ایشلر باخانلیغی سؤزچوسو تانژو بیلگیچ، قیریم‌دا حیاتا گئچیریله‌ن سئچیملرله باغلی وئریله‌ن سوالا یازی‌لی جاواب وئردی.
تورکیه‌نین، اوکراینانین تورپاق بوتؤولویونه اولان دستگینی داوام ائتدیردیگینی دئیه‌ن بیلگیچ، بو ایفاده‌لری ایشلتدی:
"تورکیه، اوکراینانین تورپاق بوتؤولویونه اولان دستگینی داوام ائتدیرمک‌ده و قیریمین حقوقا ضد الحاقینی تانیمیر. بو چرچیوه‌ده، ۱۷-۱۹ سپتامبر ۲۰۲۱.جی ایل تاریخین‌ده قیریم‌دا دا ائدیله‌ن روسیا فدراسیونو دؤولت دوماسی سئچیملرینین قیریم اعتباریله نتیجه‌لرینین تورکیه اوچون حقوقی بیر گئچرلیلیگی یوخدور".
بو آرادا آوروپا بیرلیگی ده، روسیانین یاسادیشی الحاق ائتدیگی قیریم‌دا ائتدیگی سئچیملری تانیمادیغینی بیلدیردی.
ایلگیلی‌لی خبرلر
آذربایجاندا ائرکن جمهورباشقانی سئچیمینین تاریخی بللی اولدو
جمهورباشقانی سئچیمینین ۷ ایل آرایلا ائدیلدیگی آذربایجاندا سون سئچیم، ۱۱ آوریل ۲۰۱۸ده ائدیلمیشدی
