علی‌یئودن قافقاز اوچون ایش‌بیرلیگی مئساژی
"آذربایجان، تورپاقلارینین ۳۰ ایل ایشغال آلتین‌دا اولماسینا، او بؤلگه‌لرده‌کی بؤیوک ییخیما باخمایاراق قایناشان گونئی قافقازین پارچاسی اولاراق گله‌جه‌یه باخماغا حاضردیر"
آذربایجان جمهورباشقانی ایلهام علی‌یئو، تورپاقلارینین ۳۰ ایل ایشغال آلتین‌دا اولماسینا و او بؤلگه‌لرده‌کی بؤیوک ییخیما باخمایاراق گله‌جه‌یه باخماغا حاضر اولدوقلارینی ایفاده ائد‌رک،
"اومود ائدیریک زامانی گلیر و گونئی قافقازداکی فعال امکداش‌لیق و قایناشمادان دانیشاریق" دئدی.
علی‌یئو، اولوسلارآراسی نظامی گنجوی مرکزینین تشکیل ائتدیگی "گونئی قافقاز: بؤلگه‌سل قالخینما و امکداش‌لیق پرسپکتیولری" قونولو سمینارا قاتیلدی.
داغلیق قاراباغ ساواشی سونراسین‌دا بؤلگه‌ده‌کی وضعیت، ارمنستانلا ایلیشکی‌لرین گله‌جگی، آذربایجانین پلانلاری قونوسون‌دا دانیشان علی‌یئو، فرق‌لی اؤلکه‌لردن اسکی جمهورباشقانلاری، باشباخانلار و باخانلارین ایشتیراک ائتدیگی قاتیلیمچیلارین سواللارینی جاوابلادی.
علی‌یئو، ساواشین بؤلگه‌ده‌کی وضعیتی تامامیله دییشدیردیگینی، بو سبب‌دن گونئی قافقاز اوچون یئنی یاناشیم و یئنی گوندهمه احتیاج دویولدوغونو قید ائتدی.
ایشغال دؤورون‌ده ارمنستانلا هئچ بیر شکیل‌ده امکداش‌لیق ائتمه‌یه‌جکلرینی آچیقجا ایفاده ائتدیکلرینی خاطیرلادان علی‌یئو،
"ایندی گله‌جه‌یه باخمالیییق. آذربایجان، تورپاقلارینین ۳۰ ایل ایشغال آلتین‌دا اولماسینا، او بؤلگه‌لرده‌کی بؤیوک ییخیما باخمایاراق قایناشان گونئی قافقازین پارچاسی اولاراق گله‌جه‌یه باخماغا حاضردیر. اومود ائدیریک زامانی گلیر و گونئی قافقازداکی آکتیو امکداش‌لیق و قایناشمادان دانیشاریق" دئدی.
علی‌یئو، بؤلگه‌ده گرچکلشدیریله‌جک نقلیات پروژه‌لرین‌دن بحث ائد‌رک، بونلاری سؤیله‌دی:
"زنگه‌زور کوریدورونون آچیلماسینین آردین‌دان بؤلگه‌ده‌کی بوتون اؤلکه‌لر اوچون یئنی فورصتلر میدانا گله‌جک. آذربایجان، امکداشلیغا و اورتاق گله‌جک پلانلاماغا آچیق‌دیر. سیاست‌چیلر، بؤلگه‌ده سوردوروله‌بیلر قالخینما، باریش و گوونلیگین آنجاق قارشی‌لیق‌لی فعالیت یولویلا تامین ائدیله‌بیله‌جگینی ایضاح ائتمه‌لیلر".
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
