تورک کنه‌شی، ایش‌بیرلیگینی آرتیرماغا قرار وئردی
قازاخیستانین ۲۰۲۲ ایلینده ایکینجی توپلانتییا ائو صاحب‌لیگی ائتمه‌یی قبول ائتدیگی بیلدیریلدی
تورک اؤلکه‌لری امکداش‌لیق شوراسی (تورک کنه‌شی) انرژی باخانلاری انرژی ساحه‌سین‌ده ایش‌بیرلیگینی آرتیرماغا قرار وئردیلر.
آنلاین اولاراق تشکیل ائدیله‌ن تورک کنه‌شی انرژی باخانلاری ۱.جی توپلانتیدان سونرا یاییملانان آچیقلامادا،تورکیه‌نین توپلانتی گونده‌مین‌ده‌کی ماده‌لرین اله آلینماسی اوچون آلت چالیشما قروپلارینین قورولماسی گیریشیمینین دستکلندیگی بیلدیریلدی.
مالی قایناغین انرژی ساحه‌سین‌ده‌کی اؤنمینه ایشاره ائدیلن آچیقلامادا اولوسلارآراسی فاینانس قورولوشلاری ایله چالیشتایلار(سمینارلار) تشکیل ائدیلمه‌سی فیکرینین مذاکیره ائدیلدیگی ایفاده ائدیلدی.
آچیقلامادا، یئنیلنه‌بیلیر انرژی ساحه‌سین‌ده گئنیش تجروبه‌ی اولان تورکیه‌نین، عضو اؤلکه‌لرله تجروبه‌لرینی پایلاشماق اوچون ائییتیم پروگراملاری تشکیل ائتمه‌یه حاضر اولدوغو وورغولاندی.
آچیقلامادا طرفلرین نفت و گاز صنایعینده امکداش‌لیغی آرتیرماغا ایسته‌کلی اولدوقلاری قید ائدیلیرکه‌ن، قازاخیستانا پتروشیمی محصوللارینین پایلانماسی اوچون بیر مکانیزم قورولماسی ایله باغلی آیرینتیلی چالیشما ائتمه‌سی تکلیف ائدیلدیگی بیلدیریلدی.
قازاخیستانین ۲۰۲۲ ایلینده ایکینجی توپلانتییا ائو صاحب‌لیگی ائتمه‌یی قبول ائتدیگی بیلدیریلن آچیقلامادا، طرفلرین انرژی ساحه‌سین‌ده امکداش‌لیغی آرتیرماغا قرار وئردیکلری وورغولاندی.
توپلانتی‌دا تورک شوراسینین باش یازمانی باغداد آمره‌یئو، تورکیه انرژی و طبیعی قایناقلار باخانی فاتح دؤنمز، آذربایجان انرژی باخانی پرویز شاهبازوو، قازاخیستان انرژی باخانی نورلان نوگایئو، قیرغیزیستان انرژی و صنایع باخانی یاردیمچیسی وئرونیکا عیسی‌یئوا، اؤزبکیستان انرژی باخانلیغی مشاویری عزیز علی‌محمدوو، ماجاریستان خاریجی ایشلر و تیجارت باخانلیغی انرژی‌دن سوروملو ائلچیسی دورا زومبوری، اشتراک ائتدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
