تورک اؤلکه‌لریندن اولوسلارآراسی تورک دیلی گونو اعلانی گیریشیمی
توپلانتی سیراسیندا «اولوسلارآراسی تورک دیلی گونو»نون تاسیس ائدیلمه‌سی ایله باغلی مسئله‌لر گئنیش شکیل‌ده مذاکیره ائدیلدی
۱۰ فوریه تاریخینده «اولوسلارآراسی تورک دیلی گونو»نون تاسیس ائدیلمه‌سینه دایر نهایی آنلاین مشاوره توپلانتیسی ائدیلدی.
توپلانتیدا آذربایجان، قازاقیستان، قیرقیزیستان، اؤزبکیستان و تورکیه‌نین یونسکو ملی کمیسیونلاری، تورک دؤولتلرینین امکداشلیق شوراسی، تورک اؤلکه‌لرینین پارلمان آنسامبلی، اولوسلارآراسی تورک مدنیتی تشکیلاتی، تورک مدنیتی و میراثی فوندو، اولوسلارآراسی تورک آکادمیسی مقاملاری، تورکیه‌نین باغلانتیلی دؤولت قوروملارینین نماینده‌لری قاتیلدی.
آذربایجانی سؤزوگئدن تدبیرده آذربایجان جمهوریتی خاریجی ایشلر باخانلیغینین یونسکو آذربایجان جمهوریتی ملی-اؤزل تاپشیریقلار ائلچیسی کمیسیونو باش کاتیبی ائلنور سولطانوو تمثیل ائتدی. سولطانوو، «اولوسلارآراسی تورک دیلی گونو»نون تاسیس ائدیلمه‌سی گیریشیمینین اؤلکه‌سی طرفین‌دن یوکسک دگرلندیریلدیگینی و قونونون یونسکودا باخیلماسی پروسه‌سینین فعاللاشدیریلما‌سی اوچون دستک وئرمه‌یه حاضر اولدوغونو بیلدیردی. باش کاتیب بو گیریشیمین تورک اؤلکه‌لرینین اورتاق تاریخی و مد‌نی دگرلرینین یاشادیلماسی، گله‌جک نسیللره بوراخیلما‌سی اوچون اؤنم عرض ائتدیگینی وورغولادی.
توپلانتی سیراسیندا «اولوسلارآراسی تورک دیلی گونو»نون تاسیس ائدیلمه‌سی ایله باغلی مسئله‌لر گئنیش شکیل‌ده مذاکیره ائدیلدی، بیرلیکده چالیشما یئریدیلمه‌سی و اورتاق چابالارین آرتیریلماسی قونوسوندا آنلاشما الده ائدیلدی.
معلوم اولدوغو کیمی، دیللرین اولوسلارآراسی سویه‌ده تانیدیلماسینی تشویق ائتمک مقصدیله اولوسلارآراسی دیل گونلری قوتلانماق‌دادیر. بونونلا باغلی، یونسکو تورکیه ملی کمیسیونو، یونسکو چرچیوهسینده «اولوسلارآراسی تورک دیلی گونو»نون (International Turkic Language Day) اعلان ائدیلمه‌سی گیریشیمی ایله مراجعت ائتدی.
