تورک دونیاسی دیرچلیش اؤدولو آذربایجان پرزیدنتی ایلهام علییئوه وئریلدی
"آتاتورکون آنادولودا باشلاتدیغی تورک دونیاسینین دیرچلیش حرکتی حاضردا اورتا آسیا بوزقیرلاریندا و قافقاز وادیلرینده تورک دونیاسی لیدئرلری اؤنچولویونده ایشغالچی امپریالیزمه قارشی داوام ائدیر"
تورک دونیاسی یازارلار و صنعتچیلر وقفینین (تورکساو) "۱۹ می تورک دونیاسی دیرچلیش اؤدولو"نه آذربایجان پرزیدنتی ایلهام علییئو لاییق گؤرولوب.
تورکساو طرفیندن وئریلهن بیلگییه گؤره، وقف ایداره هئیتی باشقانی یحیی آکانگین ۲۵ ایلدیر تورک دونیاسی ایله ایلگیلی تدبیرلر گئچیردیکلرینی بیلدیردی.
آکانگین تورکیه جمهوریتینین قوروجوسو غازی مصطفی کمال آتاتورکون ۱۹ می ۱۹۱۹دا آنادولودا باشلاتدیغی تورک دونیاسینین دیرچلیش حرکتینین حاضردا اورتا آسیا بوزقیرلاریندا و قافقاز وادیلرینده تورک دونیاسی لیدئرلری اؤنچولویونده ایشغالچی امپریالیزمه قارشی داوام ائتدیریلدیگینی وورغولادی.
آذربایجانین گئچهن ایل قازاندیغی غلبهیه دقت چکهن آکانگین "۲۰۲۰ده تورک خالقینین ایلهام علییئو رهبرلیگی آلتیندا تورکیه جمهوریتینین یاخین دستگی و تورک کنهشینین معنوی ایلگیسی سایهسینده قازاندیغی غلبه، عینی زاماندا تورک دونیاسینین ایشغالچیسی امپریال دوشونجهلره قارشی اورتاق ظفریدیر. بو مباریزهیه اؤنچولوک ائدن سایین ایلهام علییئوه بو اؤدولو تقدیم ائتدیگیمیزه گؤره فخر ائدیریک" دئدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک