عراق تورکمن جبهه‌سی تیکا-یا تشککور ائتدی

عراق تورکمن جبهه‌سی‌نین باشچی‌سی ارشات صالحی 2018-جی ایلده کرکوکده باش وئرن یانغیندا خاراب اولان عثمانلی ارثی کایسری بازار یئری‌نین تعمیرینی تاماملایان تورک امکداش‌لیق و کووردیناسیون آژانسینا (تیکا) تشککور ائدیب.

ارشات صالحی مطبوعاتا وئردیگی آچیقلامادا تیکا-نین بازارین تعمیری اوچون تعلیمات وئرن پرزیدنت رجب طیب اردوغانا تشککور ائدیب.

بو دستکین هم رای‌لیک مئساژی اولدوغونا دقت چکن صالحی قونشو اؤلکه تورکیه-‌نین هئچ زامان عراق خالقی و تورکمن‌لری تک قویمادیغینی وورغولاییب.

صالحی تورکیه-‌نین آتدیغی بو آددیمین عراق-داکی یوزلرله تاریخی اثرین یئنی‌دن تعمیری اوچون عراق حکومتینه نومونه اولماسینی دا ایسته‌ییب.

قئید ائدک کی، 26 نوامبر 2018-جی ایل تاریخینده کرکوکون مرکزینده یئرلشن و عثمانلی دؤورونده اینشا ائدیلن تاریخی کایسری بازار یئرینده یانغین باش وئردی و بیر چوخ ایش یئرینه یانغین سببیله جدی زیان دیدی.