تهران-داشکند سفرلری باشلادی

اؤزبکیستان ایله ایران آراسین‌داکی اوچاق سفرلری ۳ ایل آرانین آردین‌دان یئنی‌دن باشلادی.

 اؤزبکیستان نقلیات باخانلیغیندان وئریلن اچیقلامایا گؤره، ایرانین زاگروس ایرلاین شیرکتی بو گون تهران-داشکند سفرینی تاماملادی.

 داشکند هاوالیمانیندا ۳ ایل آرانین آردین‌دان ائدیله‌ن سفرین یول‌چولاری اؤزبک مقاملاری طرفیندن مراسیمله قارشیلاندی.

تهران-داشکند سفرلری هفته‌ده بیر دفعه بازار ارته‌سی گرچکلشه‌جک. سؤز قونوسو اوچاق سفرلری داها سونرا هفته‌ده ایکییه چیخاریلاجاق. 

 آچیقلامادا،

"اؤزبکیستان ایله ایران آراسین‌داکی اوچاق سفرلرینین یئنی‌دن باشلادیلماسی ایکی اؤلکه آراسین‌داکی تیجاری، اقتصادی، مد‌نی-انسانی و توریزم ساحه‌لرین‌ده‌کی ایلیشکی‌لرین داها دا گلیشمه‌سینه قاتقی وئره‌جک" ایفاده‌لرینه یئر وئریلدی.

 اؤزبکیستان مولکی هاواچیلیق قورومو، گئچه‌ن آی ایرانین زاگروس ایرلاین شیرکتینه تهران-داشکند سفرلرینی حیاتا گچیرمک اوچون ایجازه وئرمیشدی.

 ایکی اؤلکه باشکندلری آراسین‌داکی هاوا سفرلری ۲۰۱۶دا دوردورولموشدو.