آذربایجان‌دان تورکییه‌یه دستک

آذربایجان خاریجی ایشلر باخانلیغی، تورک سلاح‌لی گوجلرینین سوریه‌ده فرات چایینین دوغوسوندا باشلاتدیغی باریش بولاغی عملیاتینین ترور تهدیدینین اورتادان قالدیریلماسینا، سیغینماچیلارین ائولرینه قاییتمالارینا، انسانی پروبلئملرین حلینه، باریش و دینجلیگین تامین اولونماسینا یاردیم‌چی اولاجاغینی آچیقلادی.

باخانلیقدان وئریله‌ن یازیلی آچیقلامادا، آذربایجانین، تروریزمین بوتون بیچیملرینی و تظاهرلرینی شدتله قینادیغی و اولوسلارآراسی توپلومون تروریزمله مباریزه‌ده‌کی چابالارینی دستکلدیگی بیلدیریلدی.

آچیقلاما‌دا،

"بو باخیمدان، تورکییه سلاح‌لی گوجلرینین باریش بولاغی عملیاتینین، سوریه‌نین تورپاق بوتؤولویو چرچیوه‌سین‌ده ترور تهدیدینین اورتادان قالدیریلماسینا، سیغینماچیلارین ائولرینه قاییتمالارینا، انسانی سورونلارین حلینه، باریش و دینجلیگین تامین اولونماسینا یاردیمچی اولاجاغیندان آرخایینیق" ایفاده‌لری ایشلدیلدی.