تورکمنلر کرکوک والی‌لیگینی ایسته‌ییر
"کرکوک والی‌لیگینین ۲۰۲۰ده ائدیله‌جک یئرل سئچیملره قدر تورکمنلره وئریلمه‌سینی ایسته‌ییریک"
عراقین کرکوک شهرین‌ده‌کی تورکمنلر، شهرین والی‌لیک مقامینا طالب اولدوقلارینی بیر داها یئنه‌له‌دی.
عراق تورکمن جبهه‌سینین سؤزچوسو محمد سامان، آنادولو آژانسینا وئردیگی آچیقلامادا، "کرکوک والی‌لیگینین ۲۰۲۰ده ائدیله‌جک یئرل سئچیملره قدر تورکمنلره وئریلمه‌سینی ایسته‌ییریک" دئدی.
کرکوکون ایللرجه عرب و یا کورد والی‌لر طرفین‌دن ایداره ائدیلدیگینی دیله گتیره‌ن سامان، بو دفعه ۶ آیلیق دا اولسا بو مقاما بیر تورکمنین گتیریلمه‌سینی ایسته‌دیکلرینی سؤیله‌دی.
مرکزی حکومتین کرکوک‌ده کنترلو تامین ائتمه‌سینین اوستون‌دن تخمیناً ۲ ایل گئچمه‌سینه باخمایاراق شهرده‌کی وظیفه و آتامالاردا دورقونلوق باش وئردیگینه دقت چکه‌ن سامان، عراق مرکزی حکومتینین شهرده‌کی حاکمیتینین ضعیف اولدوغونو، تورکمنلری ائشیتمه‌دیگینی و تورکمن والی قونوسوندا اونلارا دستک وئرمه‌دیگینی سؤیله‌دی.
سامان، بیرلشمیش میللتلر کرکوک نومایندلیگین‌ده داها اؤنجه بو قونودا دانیشیقلار آپاردیقلارینی خاطیرلاتدی.
عراق تورکمن جبهه‌سی سؤزچوسو، سؤزوگئدن گؤروشمه‌لرده کرکوکه ندن تورکمن والی ایسته‌دیکلرینی سؤیله‌دیکلرینی آنجاق کورد پارتیلرین بو طلبه قارشی چیخدیقلارینی بیلدیردی.
سامان، کورد پارتیلره باغلی آساییش و پئشمرگه گوج‌لرینین شهردن چکیلمه‌سینین اوستون‌دن تخمیناً ۲ ایل گئچمه‌سینه باخمایاراق، کرکوک‌ده‌کی پلیس و امنیت بیریملرینین هله ده بو پارتیلرین تأثیری آلتین‌دا اولدوغونو دئدی.
سامان، ایچ ایشلری و ساوونما باخانلیقلارینین بو مسئله‌یه ال آتماسی لازیم اولدوغونون ضرورتینی وورغولادی.
سامان، ترور هؤرگوتو داعشین سالدیریلاری ایله بیرلیکده کرکوک‌دن چکیله‌ن عراق اوردوسونون یئنی‌دن شهرده یئرلشمه‌سینین اؤنملی اولدوغونو دیله گتیردی.
