تورکیه پرزیدنت معاوینی اوکتای، آذربایجاندا
پرزیدنت معاونی فواد اوکتای، تورکیه و آذربایجان آراسیندا تیجارت حجمینین داها دا اینکیشاف ائتدیریلمهسینی هدف سئچدیکلرینی سؤیلهدی
پرزیدنت معاونی فواد اوکتای، تورکیه و آذربایجان آراسیندا تیجارت حجمینین داها دا اینکیشاف ائتدیریلمهسینی هدف سئچدیکلرینی سؤیلهدی.
فواد اوکتای، تورکیه-آذربایجان 8-جو قاریشیق ایقتیصادی کومیسیونونون ایجلاسی اوچون دونن آذربایجانین باشکندی باکییه گئتدی.
اوکتای آخشام تورکیهنین باکیداکی سفیرلیگینده آذربایجاندا فعالیت گؤسترن تورک ایش آداملاری بیر آرایا گلدی.
اوکتای بوراداکی چیخیشیندا،
پرزیدنتیمیز جناب رجب طیب اردوغانین و آذربایجان پرزیدنتی جناب ایلهام علیئوین اعلان ائتدیگی جدی بیر هدف وار. 15 میلیارد دولارلیق تیجارت هدفی. بو هدف 2023 هدفی اولاراق تعیین اولوندو. بیز حادثهیه یالنیز اؤز تیجارت دؤوریهمیزی گئنیشلندیرمک کیمی باخمیریق. عینی زاماندا هم آذربایجان، هم ده تورکیهنین تیجارت دؤوریهسینین داها دا ایرهلی آپاریلماسی، پایین بؤیودولمهسی ایله باغلی بیر هدف وار. آذربایجانین 23-24 میلیارد دولار اولان تیجارت حجمینین ایکییه دؤزمهسی ان بؤیوک آرزوموزدور". شکلینده دانیشدی.
اوکتای، دانیشیقلاری چرچیوهسینده بو گون ده ایلک اولاراق آذربایجانین مرحوم پرزیدنتی حیدر علیئوین قبرینین یئرلشدیگی فخری خیابان دولت مزارلیغینی زیارت ائدیب.
حیدر علیئوین عابده مزارینا چیچک قویان اوکتای، داها سونرا 20 ژانویه شهیدلرینین یئر آلدیغی باکی شهیدلر خیابانیندا دا ابدی اود عابدهسینه چیچک قویوب، دعا ائتدی.
داها سونرا باکی تورک شهیدلیگینه کئچن اوکتای، بوراداکی عابدهیه چیچک قویدو و عابده دفترینی ایمضالاییب.
اوکتای، عابده دفترینه بونلاری یازیب:
تورک میللتینین باقی قالماسی اوچون جانلارینی وئرن عزیز شهیدلریمیز، بو میللتین قهرمان اؤولادلاری. باکینین قورتولوشونون 101-جی ایل دؤنوشونو بؤیوک بیر غورور حیسسی و روح یوکسکلیگی ایله درک ائتدیگیمیز بو گونلرده سیزلرین معنوی حضوروندا اولماقدان شرف و خوشبختلیک دویورام. قارداش آذربایجانین مدافعهسی و بو مقدس وطن تورپاقلارینین موستقیللیگی اوچون جانینیزی، گؤزونوزو قیرپمادان فدا ائدهرک دستانسی بیر قهرمانلیغا ایمضا آتدینیز. گؤستردیگینیز قهرمانلیغی و اینانجی میننتدارلیقلا آنیریق. سارسیلماز اینانجین ائتمیش اولدوغونوز فداکارلیقلار، علاقهلریمیزین و قارداشلیغیمیزین گوجلنمهسینده بو گون هله ده بیر کؤرپو وظیفهسی گؤرور. بیزلره میراث قویدوغونوز دگرلری داها دا ایرهلی آپارماق اوچون وار گوجوموزله چالیشیریق. عزیز خاطیرهنیز رحمت و احتیراملا یاد ائدیریک. روحونوز شاد اولسون".
اوکتای، داها سونرا شهید مزارلارینا قرنفیل قویوب.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.