قزوینده اعتراض
یوزلرجه ایشچی، امک حاقلارینین اؤدنمهمهسی سببی ایله اعتراض گؤستریسی ائتدی
قزوین شهریندهکی سایغاج فابریکاسی ایشچیلری آیلیقلارینین اؤدنمهمهسینه اعتراض ائتدی.
ایرانلی ایشچیلر خبر آژانسینا (ایلنا) گؤره، قزویندهکی ایران سایغاج شیرکتی قارشیسیندا توپلانان یوزلرجه ایشچی، امک حاقلارینین اؤدنمهمهسی سببی ایله اعتراض گؤستریسی ائتدی.
آدینی وئرمک ایستهمهیهن بیر ایشچی، ۹۰۰ نفرین چالیشدیغی شیرکتین ۲۰۰۸ده اؤزل سئکتورا وئریلمهسیندن بو یانا تخمیناً ۷۰۰ ایشچینین ایشینه سون وئریلدیگینی و آیلیقلارینین واختیندا اؤدنمهدیگینی سؤیلهدی.
پروبلئملرینی آنلاتماق اوچون بیر آیدیر رسمی مقاملارا چاتماغا چالیشدیقلارینی بیلدیرهن ایشچی، ۴ آیدیر هئچ آیلیق آلمادیغینی و خام ماده اولمادیغی بهانهسی ایله شرکتین ایشلمهدیگینی بیلدیردی.
آمریکا بیرلشمیش دؤولتلرینین گئچن ایل می آییندا توکلئئر آنلاشمادان آیریلماسی و ایرانا قارشی اقتصادی تحریملری آرتیرماسی سونرا اؤلکهده ایشلهمز حالا گلن بعضی فابریکالار باغلانیرکن بعضیلری ده اورتیم و ایشچی آزالتما یولونا گئدیر.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک