قیرقیزیستان‌دا مستقیللیک گونو قوتلانیر
"باغیمسیزلیق بیزه آتا بابالاریمیزدان قالدی، باغیمسیزلیغیمیزی قورومالیییق"
قیرقیزیستان‌دا ۳۱ آگوست مستقیللیک گونو چئشیدلی تدبیرلرله قوتلانیر.
قیرقیزیستان بیشکئک بلدیه باشقانی، قیرقیزیستانین مستقیللیگینین ۲۸.جی ایل دؤنومو موناسیبتیله باشکند مرکزین‌ده‌کی آلا-توو میدانین‌دا قوتلاما پروگرامی تشکیل ائتدی.
آلا-توو میدانین‌دا قورولان بؤیوک صحنه‌ده، قیرقیزیستان تاریخین‌ده دؤولته و توپلوما خیدمتلری ایله اؤنه چیخان شخصیتلرین، دؤولت آداملارینا و خالقینا وئردیگی نصیحتلری تاتر گؤستریسی ایله یئنی‌دن جانلاندیریلدی.
خالقا ساغلیق، موتلولوق و اوغور دیله‌یه‌ن بیشکئک بلدیه باشقانی عزیز سوراکماتوو، باشکندده‌کی تدبیرلری باشلاتدی.
قیرقیزیستانین میللی مارشی ایله باشلایان تدبیرده، پرزیدنت سوورونبای جنبکوو، مجلیس باشقانی داستان‌بک جومابکوو، باشباخان محمدکالیی آبیلگازیئو، یوکسک محکمه باشقانی آیناش توکبایئوا، باش قرارگاه رئیسی راییمبئردی دویشنبیئو، اسکی پرزیدنت روزا اوتونبایئوا، حکومت عضولری، میللت وکیللری، دیپلوماتلار، خاریجی اؤلکه‌لرین نماینده‌لری ایله چوخ ساییدا دعوت‌لی قاتیلدی.
پرزیدنت جنبکوو، قیرقیزیستان خالقینین مستقیللیک گونونو قوتلایاراق "مستقیللیک عصرلردیر نسیللرین امه‌گی ایله و گؤز یاشییلا الده ائدیلدی. نئچه نئچه اینسانیمیز قوربان ائدیلدی. باغیمسیزلیق بیزه آتا بابالاریمیزدان قالدی. مستقیللیگیمیزی قورومالیییق. دؤولتین، حاکمیتین و مستقیللیگین گئرچک صاحبی خالق‌دیر" دئدی.
پروقرام، گنجلیک قروپلارینین رقص شوولاری و وطن و دیل قونوسون‌دا ماهنیلارین سسلندیگی کونسرتله داوام ائتدی.
قیرقیزیستان، سووئتلر بیرلیگینین داغیلماسی ایله ۳۱ آگوست ۱۹۹۱ده مستقیللیگینی اعلان ائتمیش و ۳۱ آگوست "مستقیللیک گونو" کیمی قوتلانماغا باشلادی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
