قیبریسدا باریش و اؤزگورلوک بایرامی

قوزئی قیبریس تورک جمهوریتینین پرزیدنتی مصطفی آخینجی، "۲۰ جولای باریش و اؤزگورلوک بایرامی" مراسیملرین‌ده ایشتیراک ائتمک اوچون قوزئی قیبریسه گلن هیاتلری قبول ائتدی.

پرزیدنت آخینجی، ایلک اولاراق خارجی پارلامنتر هیاتی ایله بیر آرایا گلدی.

هیات‌ده قوزئی مقدونیه ملت وکیلی انس ابراهیم، اسکی قیرقیزیستان مجلیس باشقانیی جینبایی تورسونبئکوو، آذربایجان میلت وکیلی ائلد‌نیز سلیموو، اردن سناسی دوستلوق قروپونون باشقانی منیر سوبار و تورک-چاد دوستلوق قروپونون باشقانی احمد عظیم برکت‌الله یئر آلدی.

آخینجی، داها سونرا سیرا ایله اییی پارتی باشقان کؤمک‌چی‌سی احمد ار اوزان و تورک سلاح‌لی گوجلری نماینده‌سی ژنرال حسن کوچوک‌آک‌یوزو قبول ائتدی. کوچوک‌آک‌یوزو قبول‌دا قیبریس تورک باریش گوج‌لری قوموتانی ژنرال ییلماز ییلدیریم دا واردی.

پرئزیدئنت آخینجی، سون اولاراق تورکییه ساواش معلولو غازیلر، شهید، دول و یئتیملر درنگی عضولری ایله دموکرات پارتی باشقانی گولتکین اویسالی آیری آیری قبول ائتدی.

قوزئی قیبریسین باشباخانی ارسین تاتار دا بایرام قوتلامالاری موناسیبتیله اؤلکه‌ده اولان عینی هیاتلری قبول ائد‌رک گؤروشدو.

قوزئی قیبریس جمهوریت مجلیسینین باشقانی تبرروکن اولوچای ایسه خاریجی پارلامنترلرر، اییی پارتی باشقان کؤمک‌چی‌سی ار اوزان ایله دموکرات پارتی باشقانی اویسالین یانی سیرا جمهوریت خالق پارتیسینین باشقان یاردیمچیسی اونال چئویک اؤزو قبول ائتدی.