توکایئو آند ایچدی

توکایئو، خالقا عدالت‌لی خیدمت ائدجگینه، قانونلارا تام شکیل‌ده اویاجاغینا، وطنداشلارین حاق و اؤزگورلوگونو ضمانت ائدجگینه آند ایچدی

توکایئو آند ایچدی

قازاقیستان‌دا جمهورباشقانلیغی ارکن سئچیمینی قازانان قاسیم جومرد توکایئو، آند ایچرک وظیفه‌سینه باشلادی.

اؤلکه‌ده ۹ ژوئنده ائدیله‌ن جمهورباشقانلیغی سئچیمینین غالیبی اولان توکایئوین باغیمسیزلیق ساراییندا تشکیل ائدیلن آند ایچمه مراسیمینه، اسکی جمهورباشقانی نورسلطان نظربایئوین یانیندا کابینه عضولری، میلت وکیللری، قازاقیستان‌دا فعالیت گؤستره‌ن خاریجی اؤلکه ائلچیلری و چوخ ساییدا قوناق قاتیلدی.

توکایئو، خالقا عدالت‌لی خیدمت ائدجگینه، قانونلارا تام شکیل‌ده اویاجاغینا، وطنداشلارین حاق و اؤزگورلوگونو ضمانت ائدجگینه آند ایچدی.

مرکز سئچیم کمیسیونو باشقانی بئریک ایماشئوین جمهورباشقانی کیملیگینی تقدیم ائتمه‌سینین آردین‌دان دانیشان توکایئو، قازاقیستانین ایستراتژیک اؤنم داشییان پروژه‌لرینین تطبیق اولونماسی اوزرین‌ده چالیشاجاغینی، اسکی جمهورباشقانی نظربایئوین استراتژیسینی تطبیق ائدجگینی ایفاده ائتدی.

توکایئو، قازاقیستان‌لی گیریشیمچیلری دستکله‌یه‌جگینی، اؤلکه‌یه سرمایه چکه‌جگینی و اونلاری قورویاجاغینی، گیریشیمچیلیگی تشویق ائدجگینی و اورتا صینیفی اولوشدوراجاغینی دیله گتیره‌رک، "مقصدیم خالقین بیرلیگینی تامین ائتمک و هر وطنداشین حاقلارینی قوروماق‌دیر" دئدی.

توکایئو، توپلوم ایله حکومت آراسین‌داکی دیالوگون گلیشمه‌سینین خالقی قایغیلاندیردیغینی، بئله بیر دیالوگون چوخلوقچولوغا دایانماسی لازیم اولدوغونو وورغولایاراق، توپلومون بوتون کسیملرین‌دن نماینده‌لرین ایشتیراک ائدجگی میلی اجتماعی گووه‌ن شوراسینی میدانا گتیرمه قراری آلدیغینی قید ائتدی.

اقتدارین خالقا وئردیگی سؤزلری یئرینه یئتیرمه‌سی لازیم اولدوغونو بیلدیرن توکایئو، "آنجاق بو شکیل‌ده خالق بیرلیگینی و اؤلکه‌ده ثابت‌لیگی تامین ائده‌بیلریک" ایفاده‌سینی ایشلتدی.

توکایئو، اؤلکه‌سینین دونیادا بؤیوک گوج قازاندیغینی و باریشچیل، آچیق اؤلکه، اولوسلارآراسی ایشلرده اعتبارلی اولاراق تانیندیغینی سؤیله‌یه‌رک، "یاپیجی، دنگه‌‌لی و چوخ یؤنلو خاریجی سیاستی ایزله‌مه‌یه داوام ائدجییک. اولوسلارآراسی آرئنادا میلی چیخارلاری تام شکیل‌ده مدافعه ائدجییک" شکلین‌ده دانیشدی.



ایلگیلی‌لی خبرلر