تورکمنلر ائولرینه دؤنور

عراق‌دا ترور هؤرگوتو داعشین ظلمون‌دن قاچاراق تورکیه‌یه سیغینان تلعفرلیلرین دؤنوشو داوام ائدیر.

تورکیه‌ده ۴ ایل قالدیقدان سونرا کؤنول‌لو اولاراق یاشادیقلاری یئره دؤنه‌ن تلعفرلیلر، یحیاوا کمپینه یئرلشدی.

یحیاوا کامپی مودورو شعیب قصاب‌اوغلو، وئردیگی آچیقلامادا، سون ایکی آیدا تخمیناً ۵۰ عائله‌نین عراقا دؤندویونو و دوشرگه‌یه گئچیجی اولاراق یئرلشدیگینی سؤیله‌دی.

موصلو قورتارما عملیاتی سیراسیندا داعش ایله گوونلیک گوج‌لری آراسین‌دا چیخان چاتیشمالار سببیله تلعفرده‌کی بیر چوخ ائوین تخریب ائدیلدیگینی دئین قصاب‌اوغلو، ائولری تخریب ائدیلنلرین ده یوردلارینا گئری دؤنه بیلمه دیکلرینی بیلدیردی.

تلعفرلی عائله‌لرین گئچیجی اولاراق یحیاوا دوشرگه‌سینه یئرلشدیکلرینی سؤیله‌ین قصاب‌اوغلو، تلعفر و دیگر تورکمن ناحیه‌لرینین یئنی‌دن قورولماسی اوچون حکومتین مداخله ائتمه‌سی لازیم اولدوغونو سؤیله‌دی.