"صلاحیتلریمی فسخ ائتمه قراری آلدیم"

قازاقیستان پرزیدنتی نورسلطان نظربایئو وظیفه‌سین‌دن استعفا ائتدیگینی آچیقلادی.

نورسلطان نظربایئو، پرزیدنت اولاراق اؤز وظیفه‌سینی فسخ ائدن قرارنامه‌نی ایمضالادی.

نظربایئو، دؤولت تلویزیون کاناللاری واسطه‌سیله وئردیگی آچیقلامادا، بوگونکو خالقا سسله‌نیشی‌نین اؤزل اولدوغونو، اؤزو اوچون چتین بیر قرار آلدیغینی بیلدیردی،

"جمهورباشقانی اولاراق صلاحیتلریمی لغو ائتمه قراری آلدیم" دئدی.

پرزیدنت نظربایئو، قالان وظیفه مدتی بیتنه قدر جمهورباشقانلیغی صلاحیتینین سنا باشقانی قاسیم جومارت توکایئوه تحویل وئریله‌جگینی، یئنی پرزیدنتینین آندیچمه مراسیمینین یارین مجلس‌ده ائدیله‌جگینی دئدی.

پرزیدنت نظربایئو، چیخیشینین آردین‌دان ۲۰ مارس تاریخی اعتباریله جمهورباشقانی یئتکیسینی لغو ائتمه قرارینی آلدیغینا دایر قرارنامه‌نی ایمضالادی.

پارلماندا یارین آند ایچرک جمهورباشقانلیغی وظیفه‌سینی نظربایئودن تحویل آلاجاق اولان توکایئو، ۲۰۲۰یه قدر وظیفه‌ده اولاجاق.

نظربایئو، ۶ ژوئیه ۱۹۴۰ تاریخین‌ده قازاقیستانین کاسکلن ائلچه‌سینده آنادان اولدو.

۱۹۸۹دا قازاقیستان کمونیست پارتیسی مرکزی کمیته‌سینین بیرینجی کاتیبی سئچیله‌ن نظربایئو، ۱ دسامبر ۱۹۹۱ده سسلرین یوزده ۹۸،۷سینی آلاراق قازاقیستانین پرزیدنتی سئچیلدی.

نظربایئوین صلاحیت مدتی ۲۰۲۰.جی ایلده باشا چاتاجاقدی.

نظربایئو، اؤلکه‌نی ۳۰ ایل یؤنتدی.