قازاقیستاندا یئنی ایل بایرامی
"نؤوروز بایرامی یالنیز قازاقلارین دئییل، اؤلکهمیزده یاشایان بوتون خالقلارین بایرامی اولمالی"
قازاقیستانین باشکندی آستانادا کیمسهسیز و معلول اوشاقلار اوچون بایرام قوتلاماسی ائدیلدی.
قازاقیستان میللی موزهسینده ائدیلهن قوتلاما، مدنیت و ایدمان باخانی آریستانبک محمدیولینین یانی سیرا، اؤلکهده فعالیت گؤسترهن ائلچیلر ایله چوخ ساییدا دعوتلی قاتیلدی.
قوتلامادا میللی ماهنی و رقص شوولاری و کؤچری قازاق خالقی پالتارلارینین دفیلهسی ائدیریلرکن ال صنعتلری محصوللاری سرگیلندی، یئنی ایل بایرام ی یئمهگی"کؤژه" سونولدو. کیمسهسیز و معلول اوشاقلارا دا هدیهلر وئریلدی.
محمدیولی، چیخیشیندا، میللی عادت و عنعنهلرین، مدنیتین یاییلماسی باخیمیندان یئنی گون بایرامینین اؤنملی اولدوغونا دقت چکهرک،
"نؤوروز بایرامی یالنیز قازاقلارین دئییل، اؤلکهمیزده یاشایان بوتون خالقلارین بایرامی اولمالی" ایفادهسینی ایشلتدی.
بایرام شنلیکلرینده قازاق تورکلرینین گلهنک – گؤرهنکلری، آیینلری و مختلیف ال صنعتلرینین سرگیلندیگینی دیله گتیرهن محمدیولی،
"اولکهمیزین گلهجگی گنجلرین الینده. گنجلریمیزه عادت-عنعنهلریمیزین مثبت جهتلرینی گؤسترمهلیییک" دئدی.
محمدیولی، ۲۱ مارس نؤوروز بایرامیندا، هامینی میللی گئییملری گئیینهرک باشکند آستانانین فرقلی نقطهلرینده گئچیریلهجک مختلیف مدنی تدبیرلری ایزلهمهیه دعوت ائتدی.
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.