قزاقستان‌دا حکومت استعفا ائتدی
نظربایئو، مثبت دییشیک‌لیکلرین الده ائدیلمه‌مه‌سی سببی ایله حکومتین استعفاسینی ایسته‌دی
قازاقیستان‌دا حکومت، جمهورباشقانی نورسلطان نظربایئوین ایسته‌گی ایله استعفا وئردی.
پرزیدنت نظربایئوین اقتصادین بیر چوخ ساحه‌سین‌ده مثبت دییشیک‌لیکلرین الده ائدیلمه‌مه‌سی سببی ایله حکومتین استعفاسینی ایسته‌مه‌سینین آردین‌دان، باکیتجان ساگینتایئو باشقانلیغینداکی حکومت استعفاسینی سوندو.
نظربایئو، مسئله‌یه دایر بیر آچیقلاما وئر‌رک اؤلکه‌سی اوچون اؤنملی بیر قرار آلدیغینی، سوسیال و اقتصادی وضعیتین اؤنجه‌کی ایللرده ثابت‌لیک گؤستردیگینی، آنجاق بونون حاضردا یئترسیز اولدوغونو قید ائتدی.
نظربایئو، یئنی حکومتین خالقین حیات سویه‌سینین یوکسلدیلمه‌سی، اقتصادین تشویق ائدیلمه‌سی، استراتژیک هدف‌لرین ایقولانماسی ایله باغلی ائتکین آددیملار گلیشدیرمه‌سی لازیم اولدوغونو ایفاده ائتدی.
نظربایئوین آچیقلاماسینین آردین‌دان جمهورباشقانلیغی سایتین‌دا یاییملانان "جمهورباشقانلیغی قرارین‌دا"، حکومتین استعفاسینین قبول ائدیلدیگی، باشباخان یاردیمچیسی آسکار مامین‌ین گئچیجی باشباخان تعیین اولوندوغو و یئنی حکومت قورولانا قدر حکومت عضولرینین گئچیجی اولاراق وظیفه‌لرینه داوام ائد‌جکلری بیلدیریلدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
