"خوجالی شهرینده سویقیریم باش وئردی"
"موطلق او گون گلهجک، آذربایجانین تورپاق بوتؤولویو ساغلاناجاق"
خوجالی قتلعامی قوربانلاری، قیرقیزیستانین باشکندی بیشکئکده آذربایجان ائلچیلیگینده گئچیریلهن مراسمله آنیلدی.
آذربایجانین بیشکئک ائلچیسی هیدایت اوروجوو، چیخیشیندا ارمنیستانین، ۲۷ ایل اؤنجه ۲۶ فوریه ۱۹۹۲ده آذربایجانین خوجالی شهرینده یاشایان خالقا قارشی سویقیریم سوچو ایشلدیگینی سؤیلهدی.
خوجالی شهرینده او گئجه باش وئرهنلری ایضاح ائدن اوروجوو، "ارمنی عسگرلر آغیر و زرهلی واسطهلری ایله خوجالی شهرینه هوجوم ائدرک اوشاق بؤیوک دئمهدن اؤلدورمهیه باشلادی. حیاتینی قورتارماق اوچون داغلارا اوز توتان اوشاق، قادین و قوجالار ارمنی جینایتکار چتهلری طرفیندن اؤلدورولدو" دئدی.
اوروجوو، خوجالی حادثهلردن سونرا آذربایجانا عاید تورپاقلارین یوزده ۲۰سینین ارمنیستان طرفیندن ایشغال ائدیلدیگینی بیلدیردی.
آذربایجاندا یئرلریندن ائدیلمیش اولان خوجالی خالقینین عدالت گؤزلدیگینی بیلدیرن اوروجوو، دونیا اجتیماعیتیندن، قاراباغلا باغلی عدالتلی قرارین چیخماسینی، ارمنیستانین آذربایجانا قارشی سالدیرقانلیغینا سون وئرمهسینی و آذربایجانین تورپاق بوتؤولویونون تامین اولونماسینی گؤزلدیکلرینی بیلدیردی.
اوروجوو، خوجالیدا باش وئرهنلری هئچ واخت اونوتمایاجاقلارینی و اونوتدورمایاجاقلارینی ایفاده ائدرک، "بیز آرخایینیق، ائله بیر گون گلهجک کی، بو فلاکته سبب اولان تشکیلاتچیلار جزاسینی آلاجاقلار. موطلق او گون گلهجک حاق-عدالت یئرینی تاپاجاق. آذربایجانین تورپاق بوتؤولویو ساغلاناجاق" شکلینده دانیشدی.
ارمنی گوجلری، ۱۹۹۲ده، ۲۵ فوریهنی ۲۶ فوریهیه باغلایان گئجه خوجالی شهرینه تشکیل ائتدیگی سلاحلی باسقیندا، ۱۰۶سی قادین، ۸۳و اوشاق اولماق اوزره توپلام ۶۱۳ آذربایجان وطنداشینی قتله یئتیرمیشدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک