"قازاق سینماسینین آناسی" آنیلدی
"تکجه قازاقیستان خالقینین دئییل عینی زاماندا تورک خالقلاری اوچون اورتاق بیر دگر"
قازاقیستانین باشکندی آستانادا، قازاقیستان سینما اویونچوسو امینه اومورزاکووا، دوغومونون ۱۰۰.جو ایلدؤنومونده "قازاق سینماسینین آناسی" قونولو تدبیرله آنیلدی.
قازاقیستان میلی کیتابخاناسیندا ادبیاتچی، اویونچو، یازار و گنج اویونچولارین ایشتیراکی ایله گئچیریلهن آنما گئجهسینده اومورزاکووانین حیاتی و چالیشمالاریندان دانیشیلدی. تدبیر چرچیوهسینده اومورزاکووانین فوتوگرافلاریندان عبارت سرگی ده آچیلیدی.
شاعر و ادبیاتچی تؤرهگلدی تویاکبای، وئردیگی آچیقلامادا، اومورزاکووانین تکجه قازاقیستان خالقینین دئییل عینی زاماندا تورک خالقلاری اوچون اورتاق بیر دگر اولدوغونو بیلدیرهرک اویونچونون دوغومونون ۱۰۰.جو ایلدؤنومو چرچیوهسینده بیرلشمیش میلتلر ائییتیم، بیلیم و مدنیت تشکیلاتی (یونسکو) طرفیندن ایل بویونجا مختلیف تدبیرلرین گئچیریلهجگینی بیلدیردی.
تویاکبای، "اومورزاکووا، خالقیمیزین، اؤلکهمیزین قورورودور" دئدی.
دوغو قازاقیستان ویلایتینده ۱۹۱۹دا دونیایا گلن اومورزاکووا، ۱۹۳۸ده اویونچولوق حیاتینا باشلادی.
قازاق، قیرقیز و روس سینماسیندان یؤنتمنلرین چکدیگی ۳۰دان آرتیق فیلمده اوینایان اومورزاکووا، آغ پردهده داها چوخ "قازاق آنا" رولو ایله تانیندی. اومورزاکووا، ۲۰۰۶دا آلماتیدا حیاتینی ایتیردی.
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.