تورکمنلر، بحرانین حل ائدیلمه‌سینی ایسته‌ییر
"تورکمن، کورد و عربلرین راضی قالاجاقلاری بیر آدین گتیریلمه‌سی لازیم‌دیر"
عراقداکی تورکمنلر، مرکزی حکومتین، کرکوک ولایت مجلسین‌ده ۱ ایلده‌ن اوزون مدت‌دیر داوام ائد‌ن باشقانلیق بحرانینین حل ائتمه‌سینی طلب ائدیر.
کرکوک ویلایت مجلسینین تورکمن قروپو عضوو علی مهدی، داها اؤنجه کوردلردن سئچیله‌ن و "دؤولت وظیفه‌سیندن سوءایستیفاده ائتدیگی" سببیله غیابیندا ۶ آی حبس جزاسینا محکوم ائدیله‌ن ربیوار طالبانی یئرینه یئنی باشقانین بغداد طرفیندن تعیین اولونماسینی ایستدیکلرینی دئدی.
طالبانینین ۱۶ اکتبر ۲۰۱۷ده‌کی کرکوک حادثه‌لرین‌دن سونرا شهری ترک ائتدیگینی و مجلیس توپلانتیلارینین دا ۱ ایلده‌ن اوزون مدت‌دیر آسقییا آلیندیغینی خاطیرلادان مهدی، بغدادین گؤندرجگی و بوتون طرفلرین اوزرین‌ده آنلاشاجاغی بیر مجلیس باشقانینین وظیفه‌یه گتیریلمه‌سینی طلب ائتدیکلرینی بیلدیردی.
مهدی، "مجلسین باشینا تورکمن، کورد و عربلرین راضی قالاجاقلاری بیر آدین گتیریلمه‌سی لازیم‌دیر" دئدی.
کرکوک‌ده تک طرف‌لی دئییل، آنجاق اورتاق بیر یؤنتیمین آرتیق شرط اولدوغونو دیله گتیره‌ن مهدی، "بیر داها تک طرف‌لی یؤنتیمه قاییتماق ایسته‌میریک" ایفاده‌سینی ایشلتدی.
کرکوک جزا محکمه‌سی، ۲۶ دسامبر ۲۰۱۸ده، کرکوک ویلایت مجلسینین باشقانی ربیوار طالبانینین "دؤولت وظیفه‌سیندن سوءایستیفاده ائتدیگی" سببیله غیابیندا ۶ آی حبس جزاسینا محکوم ائدیلدیگینی بیلدیرمیشدی.
اسکی عراق بؤلگه‌‌سل رهبرلیگی باشچیسی مسعود بارزانی، ژوئن ۲۰۱۷ده قانونسوز مستقیل‌لیک رفرندومونا گئده‌جکلرینی بیلدیرمیشدی.
کرکوک ویلایت مجلسینین باشقانی طالبانی بو دویورونون درحال سونراسیندا سؤزوگئدن رفراندومونون عراق بؤلگه‌‌سل رهبرلیگینین ایلحاقینی دا ایچره‌جک شکیل‌ده کرکوک‌ده ده گئچیریلمه‌سینی طلب ائتمیش، تورکمن و عربلرین اعتراضینا باخمایاراق، بو گکئچیریلمیشدی.
عراق مرکزی حکومتینه باغلی اورتاق قوه‌لرین ۱۶ اکتبر ۲۰۱۷ده‌کی حربی عملیاتی سونراسی کرکوک تامامیله بغدادین کنترلونا گئچمیش و پئشمرگخ گوجلری ده چاتیشمادان عراق بؤلگه‌‌سل رهبرلیک بؤلگه‌سینه چکیلمیشدی.
ربیوار طالبانی ده شهری ترک ائدیب اربیله یئرلشمیشدی.
دیگر یاندان، کرکوک شهرین‌ده، کوردوستان وطن سئورلر بیرلیگی بینالارینا عراق بؤلگه‌‌سل رهبرلیگی بایراقلاری آسیلماسییلا باشلایان گرگین‌لیک داوام ائدیر.
والیلیگین گؤستریشی ایله پلیس، (وطن سئورلر بیرلیگی) پارتی بینالاری ایله بعضی جاده و کوچه‌لره آسیلان (عراق بؤلگه‌‌سل رهبرلیگی) بایراقلارینی ائندیرمه‌یه باشلادی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
