قیرقیزیستاندا اسکی باشباخانا سوچلاما
ادعانامهنین قبول ائدیلمهسی حالیندا گلهجک آی شبههلیلر قاضی قارشیسینا چیخاجاق
قیرقیزیستاندا ۷ آیدیر توتوقلو اولان اسکی باشباخان ساپار ایساکوو، باشکند بیشکئکدهکی مرکزی ایستیلتمه قورومونون مدرنیزاسیونو پروژهسینده دؤولتی ۱۱۱ میلیون دلار ضرره اوغراتماقلا سوچلاندی.
میلی گوونلیک دؤولت کمیتهسی مطبوعات مرکزیندن وئریلهن آچیقلامادا، بیشکئک مرکزی ایسیتمه قورومونون مدرنیزاسیونو سیراسیندا سوءایستیفاده ائدیلدیگی ایستیقامتینده ادعانامه حاضیرلاندیغی ایفاده ائدیلدی.
ادعانامهده، ایساکووا باغلی بعضی یئتکیلیلر و شخصلرین دؤولتی ۱۱۱ میلیون ۲۵۲ مین ۷۹۷ آمریکا دلاری ضرره اوغراتدیغینین تعیین اولوندوغو ایفاده ائدیلدی.
بیشکئک مرکزی ایسیتمه قورومونون مدرنیزاسیونو پروژهسینی اوستلنن چین شیرکتی ایله ائدیلهن آنلاشمانین ال وئریشسیز اولدوغو وورغولانان ادعانامهده،
"بیشکئک مرکزی ایسیتمه قورومونون مدرنیزاسیونو اوچون ۲۰۱۰.جو ایلده دونیا بانکیندان ۱۵۰ میلیون دلار و تبئا شیرکتیندن ۲۰۰ میلیون آمریکا دلاری تکلیف گلدیگی آنجاق ۲۰۱۳ جمهورباشقانلیغی خاریجی علاقهلر ایدارهسی گؤرهویندهکی ایساکوو، سیاسی نفوذوندان ایستیفاده ائدرک چین حکومتی طرفیندن تامین ائدیلهن ۳۸۶ میلیون دلارلیق کرئدی ایله یئنه چین تبئا شیرکتی ایله اصولسوز آنلاشما ائدرک قورومون مدرنیزاسیونوندا آنا یوکلهنیجی شیرکت اولماسینی تامین ائتدیگی آیدین اولموشدور" ایفادهلرینه یئر وئریلدی.
قیرقیزیستان باش ساوجیلیغینا گؤندریلمهسی گؤزلهنیلهن ادعانامهنین قبول ائدیلمهسی حالیندا گلهجک آی شبههلیلر قاضی قارشیسینا چیخاجاق.
بیشکئک مرکزی ایسیتمه قوروموندا ژانویه ۲۰۱۸.جی ایلده سببی هله تثبیت ائدیلهبیلمهیهن بیر قضا میدانا گلمیش، باشکنددهکی آپارتمانلارا، خستهخانالارا، اوخوللارا و اوشاق باخچالارینا ۵ گون ایستی سو و ایسیتمه خیدمتی وئریلهبیلمهمیشدی.
قونونو آراشدیران مجلیس آراشدیرما کمیسیونو، یئنیلمه ایشلرینین اؤلکهیه آشیری باهایا ائدیلدیگینی اورتایا چیخارمیشدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک