قازاقیستانین نفت صادراتی آرتدی
"نفت صادراتی اؤتن ایلین عینی دؤورونه گؤره یوزده ۴،۹ آرتیشلا ۸۲،۴ میلیون تن اولدو"
قازاقیستان انرژی باخانی قاناد بوزومبایئو، ۱۱ آیدا ۶۶ میلیون تن نفت صادر ائتدیکلرینی دئدی.
بوزومبایئو، باخانلار قورولو توپلانتیسیندا ائتدیگی چیخیشیندا، ژانویه-نوامبر آیلاریندا انرژی سئکتوروندا مثبت دینامیک قید ائدیلدیگینی بیلدیردی،
"نفت صادراتی ایسه اؤتن ایلین عینی دؤورونه گؤره یوزده ۴،۹ آرتیشلا ۸۲،۴ میلیون تن اولدو" دئدی.
بوزومبایئو،
"نفت صادراتی ۶۶ میلیون تنا چاتدی و بو رقم اؤتن ایلین عینی دؤورونه نیسبتا یوزده ۳،۸ چوخ" دئیه دانیشدی.
باخان بوزومبایئو، اؤلکهده آریندیریلان نفت میقدارینین ۱۵ میلیون تن اولدوغونو و بونون دا گئچن ایلین عینی دؤورو ایله مقایسهده یوزده ۸،۶ چوخ اولدوغونو دیله گتیردی.
ژانویه-نوامبر آیلاریندا اؤلکهده ۵۰،۵ میلیارد مکعب متر گازین (بو ایل پلانلاشدیریلان اورتیم ۵۳،۴ میلیارد مکعب متر) اورتیلدیگینی و بونون اؤتن ایلین عینی دؤورو ایله مقایسهده یوزده ۴،۸ چوخ اولدوغونو قید ائدن بوزومبایئو،
"گاز صادراتی ایسه اؤتن ایلین عینی دؤورو ایله مقایسهده یوزده ۱۴ آرتیشلا ۱۷،۹ میلیارد مکعب متر اولدو" دئدی.
بوزومبایئو، هابئله اؤلکهده ۱۹،۶ مین تن اورانیوم اورتیلدیگینی سؤزلرینه علاوه ائتدی.
قازاقیستانین نفت و گاز صادر ائتدیگی اؤلکهلر آراسیندا ایتالیا، هلند، فرانسا، سوئیس و دیگر آوروپا بیرلیگی اؤلکهلرینین یانی سیرا، اؤزبکیستان، بلاروس، قیرقیزیستان، روسیا و دیگر مستقیل دؤولتلر بیرلیگی اؤلکهلری یئر آلیر.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک