عاشیق چنگیز: تبریزین عاشیق موسیقیسینین مرکزینه چئوریلمه قابلیتی وار
عاشیق چنگیز: تبریزین عاشیق موسیقیسینین مرکزینه چئوریلمه قابلیتی وار
عاشیق موسیقیسینین تانینمیش اوستادلاریندان اولان چینگیز مهدی پور آذربایجانین موسیقی مدنیتینین ان قدیم ساحهلریندن بیری عاشیق صنعتی و تبریزین بو ساحهدکی ایمکانلاریندان دانیشیب.
عاشیقلار چنگیز بو بارهده نوامبرین 26-دا تبریزده بین الخالق عاشیقلار کونگره'سینده کئچیریلن مراسیمدکی چیخیشیندا " هر کس بو قدیم موسیقینی قورویوب ساخلاماغا چالیشمالیدیر. اصلینده بو صنعتین گلیشمه'سینده اؤتن ایللرده قونشو اؤلکهلرله داها چوخ امکداشلیق ائدیلمهلی ایدی. بو شکیلده تبریزی عاشیق صنعتینین مرکزینه چئویره بیلردیک."دئیب
چنگیز بی سؤزلرینین داوامیندا "عاشیق موسیقیسینین ان چوخ اینکیشافلی دؤنمی صفوی دؤورونده اولوب. بو موسیقینی، بیر میللتین ایچینده یارانیب و گلیشدیگینه گؤره مقدس بیر صنعت حساب ائتمک اولار" دئیه بیلدیریب.
اوستاد مهدی پور علاوه ائدیب کی، عاشیق موسیقیسی خوشبختلیکدن دربار و خصوصی شخصلرین ایختیاریندا اولماییب. بو هنر اهالینین اینانجی و اعتیقادی ایله باغلانتیلی اولوب و اونلارین حیات طرزیندن تأثیر آلاراق بوگونکو وضعیته گلیب.
تبریز شهرینده 300 اوستاد عاشیقین قاتیلیمی ایله اولوسلار آراسی عاشیقلار فستیوالی کئچیریلیر، فستیوالدا تورک دونیاسینین فرقلی بؤلگهلریندن و گونی آذربایجان ایالتلریندن 300 عاشیق (آذربایجان جمهورتیندن 14، گورجیستاندان 5 و تورکیهدن 2 اوستاد) قاتیلیب.
قاتیلیمچیلار فستیوالین ایکینجی گونونده عاشیق عباس توفارقانلی، اوچونجو گونونده ایسه عاشیق "قریب"ین مزارینی زیارت ائدیبلر.
ایسلام پیغمبرینین دوغوم گونو و "وحدت هفتهسی" موناسیبتی ایله گئچیریلن فستیوال 24-27 نوامبردا(3-6 آذر آیی) 4 گون داوام ائدیب.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.