ژنراللار توپلاندی

آذربایجان‌دا، تورکیه-آذربایجان-گورجوستان سلاح‌لی گوج‌لر باشچیلاری اوچلو توپلانتیسی‌ گئچیریلدی.

باکی‌دا گئچیریلن توپلانتییا باش قرارگاه رئیسی ژنرال یاشار گولر، آذربایجان ساوونما باخانی ژنرال ذاکیر حسنوو و گورجوستان باش قرارگاه رئیسی ژنرال ولادیمیر چاچیبایا قاتیلدی.

توپلانتینین آردین‌دان باخان حسنوو و باش قرارگاه رئیسلری گولر ایله چاچیبایا اورتاق پروتوکولا ایمضا آتدی.

ایمضا مراسی‌می سونراسی دانیشان باش قرارگاه رئیسی گولر، هم بؤلگه‌سل هم ده قلوبال میقیاس‌دا باریش و ثابیتلیین چوخ موهوم اولدوغو بو گونلرده بؤلگه‌‌ده جریان ائد‌ن حادثه‌لر حاقین‌دا صمیمی فیکیر موبادیله‌سی آپاردیقلارینی دئدی.

حسنوو دا توپلانتیدا بؤلگه‌ده‌کی حربی و سیاسی وضعیتین تحلیل ائدیلدیینی قید ائد‌رک، اوچ قارداش دؤولتین امکداشلیغینین استراتژیک سویه‌ده اولدوغونو بیلدیردی.

گورجوستان باش قرارگاه رئیسی چاچیبایا ایسه اوچ اؤلکه آراسین‌دا حربی امکداشلیغین بؤلگه‌ تهلوکه‌سیزلیگی باخیمین‌دان اهمیت داشیدیغینی وورغولادی.

اوچ اؤلکه طرفین‌دن حیاتا گئچیریله‌ن حربی مانورلارین بوندان سونرا دا داوام ائتدیریله‌جگینی بیلدیره‌ن چاچیبایا، تعلیم ساحه‌لرین‌ده ده امکداش‌لیق ائد‌جکلرینی قید ائتدی.