قوزئی قیبریس تورک جمهوریتینین 35-جی قورولوش ایلدؤنومو جوشفو ایله قوتلانیر
قوزئی قیبریسی‌نین 15 نوامبر 1983ده قورولوشو، قیبریس تورک خالقی‌نین آدا‌داکی سیاسی حیاتینی دولت اولگوسو ایله دونیایا اعلان ائتدیگی اؤنملی بیر دؤنوم نقطه‌سی اولدو
قوزئی قیبریس تورک جمهوریتینین 35-جی قورولوش ایلدؤنومو جوشفو ایله قوتلانیر.
قوزئی قیبریسی‌نین 15 نوامبر 1983ده قورولوشو، قیبریس تورک خالقی‌نین آدا‌داکی سیاسی حیاتینی دولت اولگوسو ایله دونیایا اعلان ائتدیگی اؤنملی بیر دؤنوم نقطه‌سی اولدو.
قوزئی قیبریسین پرزیدنتی مصطفی آکینجی و خانیمی مارال آکینجی، یوبیلئی مراسیم‌لری چرچیوه'سینده جمهورباشقان‌لیغی ساراییندا تبریک‌لری قبول ائدیب.
قبولا، تورکیه پرزیدنتی کؤمکچی‌سی فواد اوکتای، قوزئی قیبریس مجلیسی‌نین باشقانی تبرروکن اولوچای، باش ناظیر داشقین ارهورمان، عدالت و قالخینما پارتیسی‌نین باشقان معاوینی جؤودت ییلماز، آک پارتی قروپ باشقان معاوینی بولند توران، میللیتچی حرکت پارتیسی‌نین باشقان معاوینی جلال آدان، تورکیه‌نین لفکوشا سفیری علی موراد باشچری، باخان‌لار، میللت وکیل‌لری، قوروم تشکیلات نماینده‌لری و وطنداش‌لار. قاتیلیب.
مراسیم، داها سونرا لفکوشا آتاتورک عابده‌سی اؤنونده داوام ائتدی.
عابده‌یه چلنگ قویولماسی‌نین آردین‌دان سایقی دوروشو ائدیلیب و ایستیقلال مارشی آلتیندا بایراق‌لار قالدیریلیب.
پرزیدنت آکینجی، عابده اؤزل دفترینه بون‌لاری یازیب:
"عزیز آتاتورک؛ قوزئی قیبریس تورک جمهوریتینین 35-جی ایلده یئنه حضورونداییق. سنین پرینسیپ و اینقیلابلاریندان روح‌لانا‌راق، اجتماعی و دؤولتچیلیگیمیزی معاصیر مدنیتلر سویه‌سینه یوکسلتمک، علمه دگر وئرن لاییک'لیغی قوروماق اوچون دقیق‌لیکله ایشلمه‌یه داوام ائدجگیک. بوتون چتین‌لیک‌لره باخمایا‌راق، قوزئی قیبریسی‌نین ایقتیصادی و دموکراسی ایله هر کئچن گون داها یاخشی گئتمه‌سی اوچون چالیشاجاغیق. اینکیشاف ائدیب ایره‌لیله‌یه آنجاق باریش شرایطینده مومکون اولا بیله'جگی‌نین شعورو ایچری‌سینده، سنین "یورددا باریش، دونیادا باریش" تمل فلسفه‌سی‌نین حقیقت‌لرینی یئرینه یئتیرمگی ده داوام ائتدیرجگیک. بو فیکیرلرله سنی رحمت و احتیراملا آنیریق. روحون شاد اولسون".
تورکیه پرزیدنت معاوینی اوکتای دا دفتره بو سؤزلری یازدی:
"عزیز آتاتورک؛ قوزئی قیبریس تورک جمهوریتینین 35-جی ایلدؤنومو، قیبریسلی تورک قارداش‌لاریمیزلا غورور و هیجانلا قوتلوروق. قیبریس تورک خالقی گؤستردیگینیز هدف‌لر ایستیقامتینده، هئچ بیر چتین‌لیک‌دن قورخما‌دان برابرلیک و آزادلیق موباریزه‌سینی اینام‌لا داوام ائتدیریر. قیبریس تورک خالقینی بو حاق موباریزه‌سینده، تورکیه جمهوریتینین عهدی و تاریخی مسئولیتینی بو گونه قدر اولدوغو کیمی بوندان سونرا دا یئرینه یئتیرمک قرارلیلیغینی معنوی قارشینیزدا بیر داها تصدیق ائدیریک. روحون شاد اولسون".
قوزئی قیبریسی‌نین 35-جی قورولوش ایلدؤنومو موناسیبتیله گیرنه، ایسکه، غازی موسی و گوزل یورت و لفکوشادا دا مراسیم‌لر کئچیریلیب.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
