گنجه‌ ایجرا حاکمیتینین باش‌چی‌سی وورولدو

رس‌می آچیقلاما: گنجه‌نین ایجرا باش‌چی‌سی و محافظه‌چی‌سی - هر ایکی‌سی خسته‌خانادادیر.

آذربایجان باش ساوجیلیغی، داخی‌لی ایشلر باخانلیغی و دؤولت تهلوکه‌سیزلیک خیدمتی بیرگه معلومات یاییبلار.

معلومات‌دا بیلدیریلیر کی، ژوئیه‌نین ۳ونده، ساعات ۲۰.۳۰ سو‌لارین‌دا گنجه شهر ایجرا حاکمیتینین باش‌چی‌سی ائلمار ولییئو و اونون محافظه‌چی‌سی قاسیم آشبازوو ایجرا حاکمیتینین اینضیباطی بیناسینین قارشی‌سین‌دا نامعلوم شخصین اودلو سلاحدان ائتدیگی آتیش نتیجه‌سین‌ده مختلیف درجه‌لی بد‌ن یارالاری آلاراق خسته‌خانایا یئرلشدیریلیبلر.

حادثه ایله باغلی ۱۹۸۳.جو ایلده گنجه شهرین‌ده آنادان اولموش یونیس سفرووون ساخلاندیغی قید ائدیلیر.

«بونون اوزرینه باش ساوجیلیق‌دا جینایت مجله‌سینین ۲۹، ۱۲۰.۲.۳-جو، ۱۲۰.۲.۷-جی (ضررچکمیش شخصین خیدمتی وظیفه‌سینی و یا اجتماعی بورجونو یئرینه یئتیرمه‌سی ایله ایلگیلی قصداً آدام اؤلدورمه‌یه جهد) و ۲۲۸-جی (قانون‌سوز اولاراق اودلو سلاح الده ائتمه) ماده‌لری ایله جینایت ایشی باشلادیلدی. ساوجیلیغین، داخی‌لی ایشلر باخانلیغینین و دؤولت تهلوکه‌سیزلیگی خیدمتینین تجروبه‌لی امکداشلارین‌دان عبارت سوروشدورما-عملیات قروپو یارادیلدی».

ائلمار ولییئو و قاسیم آشبازووون ساغلیغینین یاخشی اولدوغو بیلدیریلیر.