تبریزده معجزه دوغوم

تبریزده بیر قادین آلتیز کؤرپه دونیایا گتیردی.

تبریز الزهرا طب مرکزینه عاید اینترنت سایتین‌دان وئریلن یازی‌لی آچیقلامادا، ایلک دوغوشونو گرچکلشدیرن ۲۳ یاشین‌داکی قادینین، ۴ قیز ۲ اوغلان اولماقلا آلتیز کؤرپه دوغوردوغو قید اولوندو.

آنانین آدینا یئر وئریلمه‌یه‌ن آچیقلامادا، کؤرپه‌لرین ۲۷.جی هفته‌ده دوغولدوقلاری و ساغلیق وضعیتلرینین یاخشی اولدوغو قید ائدیلدی.

سزارین دوغوم شکلی ایله دونیایا گلن کؤرپه‌لرین ۵۸۰ ایله ۹۶۰ گرام اولدوقلاری بیلدیریلدی.