سوی‌قیریم ائدن ارمنی‌لردیر
"اگر بو تاپقیلاردا ارمنیلره عاید بیر تاپقی اولسایدی درحال دونیانی آیاغا قالدیراردیلار"
دوغو آنادولوداکی قازینتیلار، ارمنی ظلمونو اورتایا قویور.
ارمنی چته‌لری طرفیندن دوغو آنادولو بؤلگه‌سین‌ده حیاتا گئچیریلن سوی‌قیریم‌دان بؤیوک شکیل‌ده ائتکیلنن ایغدیردا آپاریلان قازینتیلار، سوی‌قیریما معروض قالدیقلارینی ادعا ائدن ارمنیلرین ادعالارین عکسینه تورکلره ائتدیکلری ظولمو اورتایا قویور.
تورکیه‌نین ارمنیستان سرحدینده یئرلشن و ۱۹.جو عصرده ارمنی چته‌لری طرفیندن حیاتا گئچیریلن قتل‌عاملارین باش وئردیگی بؤلگه‌ده، او گونلرین آجی‌سی هله ده ایلک گونکو تزه‌لیگینی قورویور.
بو دؤورده اوشاق، قوجا، قادین دئمه‌دن اؤلدوروله‌ن تورکلرین توپ‌لو مزارلارینین یئرلشدیگی ایغدیردا آپاریلان چالیشمالار، گئچمیش‌ده اولان قیرغینلاری گون اوزونه چیخاریر.
گدیک‌لی، حاق‌ممد و اوبا کندلری ایله شهر مرکزی باش‌دا اولماق اوزره، دئمک اولار کی هر بؤلگه‌سین‌ده کوتلوی مزارلار تاپیلان ایغدیر، سوی‌قیریما معروض قالدیقلاری ادعا ائدن ارمنیلرین تزلرینین عکسینه، ارمنی چته‌لری طرفیندن تورکلره قارشی حیاتا گئچیریلن سوی‌قیریملارین ایزلرینی داشیییر.
آذربایجان توپلومسال علمی آراشدیرمالار بیرلیگینین باشقانی تئلمان قاسیموو، وئردیگی آچیقلامادا، ایغدیرین یانی سیرا، قارس، وان و آغری‌دا موختلیف قتل‌عاملارین باش وئردیگینی سؤیله‌دی.
قاسیموو،
"بو بؤلگه‌ده ایللر اول ائدیلن بوتون قازینتیلاردا قتله یئتیریلمیش تورکلرین سوموکلری تاپیلمیش‌دیر. بونلار دا گؤستریر کی بورادا یالنیز تورکلر قتله یئتیریلمیش‌دیر. هر میللتین آنتروپولوژیک علامتلری وار، یعنی کلله سوموکلرینه باخدیق‌دا اونون هانسی میلته عاید اولدوغو بیلینیر. بوتون قازینتیلار نتیجه‌سین‌ده آپاریلان آراشدیرمالار بونو اثبات ائتمیش‌دیر کی، بو سوموکلر تورکلره عایددیر" دئدی.
قاسیموو،
"اگر بو تاپقیلاردا ارمنیلره عاید بیر تاپقی اولسایدی درحال دونیانی آیاغا قالدیراردیلار. ائتدیکلری ساده‌جه تبلیغات‌دیر، اللرین‌ده بیر تاپقی یوخ" دئدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
