آذربایجان: ارمنیستان، کلبجر بؤلگهسینده قیزیل و میس معدنلرینی غیری-قانونی ایشلدی
آذربایجان خاریجی ایشلر ناظیرلیگی سؤزچوسو حیکمت حاجییئو، کلبجر بؤلگهسینین ارمنیستان اوردوسو طرفیندن ایشغالینین 25-جی ایلی موناسیبتیله مساژ یایینلایب
آذربایجان، ارمنیستانین، ایشغال آلتیندا ساخلادیغی کلبجر بؤلگهسینده قیزیل و میس معدنلرینی غیری-قانونی ایشلندیگینی بیلدیردی.
آذربایجان خاریجی ایشلر ناظیرلیگی سؤزچوسو حیکمت حاجییئو، کلبجر بؤلگهسینین ارمنیستان اوردوسو طرفیندن ایشغالینین 25-جی ایلی موناسیبتیله مراجعت یاییب.
کلبجرین 2 آوریل 1993ده ایشغال ائدیلدیگینی خطیرلادان حاجییئو، 511 سیویل کلبجرلینین اؤلدورولدوگونو، 321 نفرین اسیر دوشدوگونو، 60 مین اینسانین اؤز تورپاغینی ترک ائتمک مجبوریتینده قالدیغینی وورغولاییب.
منطقهنین تالان ائتدیگینی، منزیللرین دئمک اولار کی، هامیسی ایله 110 کیتابخانا، 100 مکتب، 9 اوشاق باغچاسینین ارمنیستان اوردوسو ویران ائدیلدیگینی قید ائدن حاجییئو، مکتوبوندا بو ایفادهلره یئر وئردی:
شهر مرکزی و کندلردکی بوتون جامی و مسجیدلر، تاریخی عابدهلر دارماداغین ائدیلدی. کلبجرین طبیعی ثروتلری و معدنلری وحشیجهسینه ایستیفاده ائدیلیر. لیختن ایشتایندا قیدیاتلی، ارمنیستانا عایید والکس قروپ نزدیندکی Base Metals، 2002-جی ایلدن بو یانا کلبجرین قیزیل بولاک میس و قیزیل معدنلرینی غیری-قانونی اولاراق ایشلنیر. آرتیق یاتاغین رزروی توکنمیشدیر. ژئوپرومینینگ شیرکتینین آلت شیرکتی GPM Gold، 2007دن بو یانا سویودلو قیزیل یاتاغینی ایشلهدیر. اویدو گؤرونتولری بورادا ایشلرین گئنیشلندیریلدیگینی تصدیق ائدیر. بورادان الده ائتدیکلری مینراللاری، ارمنیستانا و دونیا بازارلارینا داشیییرلار. طبیعی ثروتلرین بو شکیلده ایستیفاده اولونماسی چئورهیه ده جیدی ضرر وئریر. ایشغال اولونموش آذربایجان اراضیلری اولان کلبجر و دیگر علملردن الده ائدیلن مینراللارین، خصوصیله ده قیزیلین، وضعیت معین ائدیلمهدن بعضی غرب دولتلرله ایدخال ائدیلمهسی جیدی ناراحاتچیلیق دوغورور".
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک