"تورک‌لره آزینلیق ایستاتوسو"
"ایلک مرحله‌ده تورک‌لرین آنا دیلده ائییتیم مسئله‌سی قانونی بیر چرچیوه‌یه اوتورموش اولا‌جاق و بو پروبلئم آرا‌دان قالخا‌جاق"
بالکان روم‌ائلی تورک‌لری کنفدراسیونونون باش مودورو زورف‌الدین حاجی‌اوغلو، بولقاریستاندا یاشایان تورک‌لره "آزینلیق ایستاتوسو" وئریلمه‌سی طلبینی سئوینجله قارشیلادیق‌لارینی بیلدیره‌رک "قبول ائدیلرسه اؤلکه‌دکی تورک‌لرین بیر چوخ پروبلئمی حل ائدیلمیش اولا‌جاق" دئدی.
حاجی‌اوغلو، 1990دان بو یانا بولقاریستاندا هئچ کسین دئمدیگی "تورک‌لره آزینلیق ایستاتوسو" طلبینی آچیق شکیلده دیله گتیرن، بولقاریستاندا تورک‌لرین پارتیسی‌نین مؤوقعیتین‌دکی مسئولیت، اؤزگورلوک و خوش‌گؤرو اوچون دموکرات‌لار پارتیسی‌نین باشقانی لوطفو مستانا تشکر ائتدی.
بولقاریستان‌داکی ان بؤیوک ائتنیک آزینلیغین تورک‌لر اولدوغونو وورغولایان حاجی‌اوغلو،
"اگر ایستاتوس ایستگی قبول ائدیلیرسه بولقاریستاندا یاشایان تورک‌لرین بیر چوخ پروبلئمی حل ائدیلمیش اولا‌جاق. ایلک مرحله‌ده بولقاریستان تورک‌لری‌نین آنا دیلده ائییتیم مسئله‌سی قانونی بیر چرچیوه‌یه اوتورموش اولا‌جاق و بو پروبلئم آرا‌دان قالخا‌جاق. وقف مال‌لاری‌نین اعاده‌سی ایله باغلی مسئله بؤیوک اؤلچوده حقوقی چرچیوه‌ده حل ائدیلمیش اولا‌جاق. آچیقجاسی، بولقاریستان تورک‌لری‌نین بیر چوخ پروبلئمی حل ائدیلمیش اولا‌جاق" دئیه دانیشدی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
