عراق اوردوسو کرکوکده
"کرکوکده سلاحلی قروپلاری، مرکزی حاکمیته باغلی گوونلیک گوجلرینه آتیش ائتمهمهسی اوچون اویاریریق"
عراق گوونلیک گوجلری، کرکوکدهکی حربی مرکز و نفت قویولارینی آلماق اوچون حرکته گئچدی.
عراق باشباخانی حیدر العبادی، سلاحلی گوجلره، کرکوکده بوتون خالقین جان گوونلیگینی قوروما تاپشیریغی وئردی.
دؤولت تلویزیونونون خبرینده، "باشباخان حیدر عبادی، سلاحلی گوجلره کرکوکده یئرلشن بوتون هر کسین جان گوونلیگینی قوروما تاپشیریغی وئردی" دئییلدی.
عبادی، کرکوکده گوونلیگین تامین اولونماسی اوچون شهر خالقی و پئشمرگه ایله ده امکداشلیق ائدیلمهسینی ایستهدی.
خبرده آیریجا، ترورلا مباریزه گوجو، 9.جو توغای و فدرال پلیسین، کرکوکده چاتیشما باش وئرمهدن گئنیش بؤلومده کنترلو تامین ائتدیگی بیلدیریلرک، عبادینین، "اورتاق عملیاتلار قوموتانلیغی آلتیندا اولان حشد شعبی ده، سلاحلی گوجلره کرکوک دیشیندا دستک وئریر" ایفادهلرینه یئر وئریلدی.
دؤولت تلویزیونو ائکرانینین ساغ کونجونه، "هدفیمیز کرکوک خالقینین ساغلیغی" یازیسی یئرلشدیریلدی.
عراق کورد بؤلگهسل یؤنتیمی گوونلیک آژانسینین حسابیندان وئریلن آچیقلامادا دا، عراقلی گوجلر و حشد شعبینین کرکوکون گونئیندهکی طوزخورماتودان حرکته گئچدیگی ایفاده ائدیلدی.
آچیقلامادا، سؤزوگئدن گوجلرین مقصدینین، کرکوک شهرینه گیریب پئشمرگهنین کنترلونداکی "کا1 حربی مرکزی" و نفت قویولارینی آلماق اولدوغو قید ائدیلدی.
عراق اورتاق عملیاتلار قوموتانلیغی ایسه، کرکوکدکی سلاحلی قروپلارا، مرکزی حاکمیت گوجلرینه آتیش آچماماسی اویاریسی ائتدی.
وئریلن یازیلی آچیقلامادا، "کرکوکده سلاحلی قروپلاری، مرکزی حاکمیته باغلی گوونلیک گوجلرینه آتیش ائتمهمهسی اوچون اویاریریق" ایفادهلرینه یئر وئریلدی.
پئشمرگه گوجلریندن سالار تیمور، کرکوکون تازه خورماتو قصبهسی یاخینلیغیندا، عراق اوردوسو و حشدی شعبینین، آتیشکسی پوزدوغونو ادعا ائتمیش، چیخان چاتیشمانین داوام ائتدیگینی بیلدیرمیشدی.
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.