عراق اوردوسو کرکوکدا ایرلیلهییر
عراق دؤولت تلویزیونو، عراق قوشونلارینین کرکوکده چوخ گئنیش بیر اراضینی اله گئچیردیگینی بیلدیردی
عراق اوردوسو، دونن گئجه عملیات باشلادیغی کرکوکدا، کا1 هاوا مرکزینین ده آرالاریندا اولدوغو بیر چوخ نقطهنی اله گئچیردی.
عراق گوجلری، کرکوکدکی باب گورگور و بای حسن نفت ساحهلرینه ده چاتیب.
عراق دؤولت تلویزیونو، عراق قوشونلارینین کرکوکده چوخ گئنیش بیر اراضینی اله گئچیردیگینی بیلدیردی.
عراق گوونلیک گوجلری طرفیندن بو آنا قدر اله گئچیریلن اراضیلر اولاراق خالد حربی دوشرگهسی، کرکوک گاز مرکزی، شوریجه، کرکوک صنایع بؤلگهسی و ساری تپه گؤستریلیر. عراق گوونلیک گوجلرینین قوزئی نفت شیرکتینی محاصره ائتدیگی ده گلن معلوماتلار آراسیندا.
پئشمرگه ایسه کرکوکون گونئیینده یئرلشن مؤوضعلردن چکیلمهیه باشلادی.
بو آرادا، عراق باشباخانی حیدر العبادی، پئشمرگه گوجلرینی فدرال گوجلرین امری آلتیندا حرکت ائتمهیه چاغیردی.
عبادی، عراق اوردوسو اربیل-کرکوک و سلیمانیه-کرکوک یوللارینین کنترلونو اله گئچیرمک اوزره ایکن، مسعود بارزانییه باغلی پئشمرگه گوجلرینه سسلهنرک، عراق رهبرلیگینین کنترلو آلتینا گیرمهلری لازیم اولدوغونو ایفاده ائتدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک