قیرقیزیستان باشباخانی استعفا ائتدی
جنبکووون استعفاسینین پرزیدنت آلمازبئک آتامبایئو طرفیندن قبول ائدیلدیگی بیلدیریلدی
قیرقیزیستاندا، 16 آیدیر باشباخانلیق وظیفهسینده اولان سوورونبای جنبکوو، جمهوریاشقانلیغی سئچیملرینه قاتیلماق اوچون وظیفهسیندن آیریلدیغینی آچیقلادی.
باشباخان جنبکوو، کابینه اوتوروموندا ائتدیگی آچیقلامادا، سئچیم قانونو گریی باشباخانلیق وظیفهسیندن آیریلدیغینی و استعفا مکتوبونو پرزیدنتین اونایینا سوندوغونو بیلدیردی.
جنبکوو، مرکزی سئچیم کومیسیونو طرفیندن جمهورباشقانلیغینا ائتدیگی نامیزدلیک مراجعتینین قبول ائدیلدیگینی ایفاده ائدهرک،
"منیم اوچون سئچیملرین عدالتلی، تمیز و شفاف گئچمهسی چوخ اؤنملی. سیاستچیلر 'دؤولت ایمکانلارینی قوللانیر' دئیه شیکایت ائتمهسینلر. بونون اوچون باشباخانلیق وظیفهسیندن آیریلیرام" دئیه دانیشدی.
بو آرادا جمهورباشقانلیغی مطبوعات مرکزیندن وئریلن آچیقلامادا، جنبکووون استعفاسینین پرزیدنت آلمازبئک آتامبایئو طرفیندن قبول ائدیلدیگی بیلدیریلدی.
قیرقیزیستاندا 15 اکتبردا گئچیریلهجک جمهورباشقانلیغی سئچیملری اوچون 59 نفر نامیزدلیک مراجعتی ائتمیشدی.
مرکزی سئچیم کومیسیونو، ایندییه قدر آک شومکار پارتیسی قوروجو لیدئری و اسکی باشباخان تمیر سارییئو، جمهوریت پارتیسی قوروجو لیدئری و اسکی باشباخان عؤموربک بابانوو و سوسیال دموکرات پارتینین نامیزدی جنبکووون نامیزدلیکلرینی قبول ائتدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک